nalaing ti mangtarimaan kadagiti pagtigtigkulanna a di ket
mabalin a guraenen no kua. No, saan kuma a gapo ken ni
Padre Damaso... Ket ti kura inna kinita iti napardas ni Ma
ria Clara, a sidedengngeg, ngem dina ket insina dagiti matmatana iti papel ti musika, numan pay kudkudduten ni Sinang iti sa
an a madmadlaw, nga iso ti panangipakitana iti ragsakna; no kuman is-isuda, wenno nagsala.
—¿Ni Padre Damaso . . . ? —sinaludsod ni Linares.
—Wen, ni Padre Damaso kinunana, —intuloy ti kura, a di na ket insina dagiti matmatana ken Maria Clara, — a gapo ta... iso ti nanganak kenkuana iti buniag, dina mabalin a ipalubos, . . . ngem, ala, kunak ngata a no ni apo Ibarra agpakawan kenkuana iso a diak pagduaduaan, matarimaanto amin.
Ni Maria Clara timmakder, nagpambar ket simbrek iti siledna, a kinuyog ni Victoria.
—¿Ket no saan a pakawanen ni Padre Damaso? —sinalud sod ni Kapitan Tiago, iti nainayad a timek.
—No kasta . . . kitaento ni Maria Clara . . . ni Padre Da maso iso ti amana ... iti kararua; ngem kunak nga agkaawatandanto.
Iti daydi a kanito add a nangngeg nga arimpadek ket nagpa rang ni Ibarra, a sinaruno ni ikit Isabel; ti kaaddana nadumaduma ti pinataudna a rikna kadagiti si-sasango. Kinabla-awanna a si-aayat ni Kapitan Tiago, iso a dina inammo ti aramidna no umisem wenno agsangit; intamedna a nalaing ti ulona ken Li nares. Ni Fray Salvi timmakder ket inggayatna kenkuana ti imana a kasta unay nga ayatna, ta ni Ibarra dina man nagawidan a di kinita a nasdaawan.
—Saan kay a masdaaw, —kinuna ni Fray Salvi; —ita met laeng inkay idaydayaw.
Ni Ibarra nagyaman ket immasideg ken Sinang.
—¿Adinno ti nagyanam a nagmalmalem? —sinaludsod toy iti daydi inuubingan a kinatarabitabna; —sinalsaludsuddaka ket kunkunami: “Adinno ngata ti napanan daytay kararua a na-aon sadi Purgatorio?” Ket tumunggal maysa kadakami sabasabali ti saona.
—¿Ket, mabalin nga ammuen no ania ti sinasaoyo?
—Saan, dayta, maysa a palimed, ngem ibagakto kenka inton
