datdata. Ita, ibagam no adinno ti nagyanam, tapno maammuanmi
no asinno ti nakapatang.
—Saan, dayta, maysa met a palimed, ngem ibagakto kenka no datdata, no ipalubos dagitoy appo.
—¡Wen ]a ket di a, wen la ket di a! jAnia, ket ngarudcn! —kinuna ni Padre Salvi.
Ni Sinang inpanna ni Crisostomo iti maysa a suli ti salas; ti balasang siraragsak unay, ta kunana no adda maammuanna a maysa a palimed.
—Ibagam man, gayyem ko unay, —sinaludsod ni Ibarra; —no makapungpungtot kaniak ni Maria?
—Diak ammo, ngem kunana a nalalaing kano no lipatem, sa agsangit. Ni Kapitan Tiago kayatna a maki-asawa ken daydiay nay, kasta met ni Padre Damaso, ngem iso, wen, saan, dina met kuna. Itay bigat, itay sinalsaludsuddaka ket kinunak: “dno napan ket nagarem iti sabalin?, iso simmungbat ket kinunana: “¡sapay kuma!”, ket nagsangit.
Ni Ibarra nagtalna.
—Ibagam man bassit ken Maria a kayatko a kasarita iti daytay dakdakami.
—¿Dakdakay latta? —sinaludsod ni Sinang, a pinagkuribetbetna dagiti kidkidayna ket inna kinita.
—Dakdakam latta, saan; ngem awan la ket di ni daydiay a si-sasango.
—Narigat; ngem bay-am, ibagakto kenkuana.
¿Ket, kaanunto ti pannakaammok iti sungbatna?
—Inton bigat, inka idiay balay a masapa. Ni Maria dina kayat ti agmaymaysa, kadkaduaenmi; ni Victoria ti kaiddana iti maminsan, ket siak iti sabali a rabii; inton bigat iso ti batangko Ngem, denggem, dket tay palimeden? iPumanawka, a dimo ibaga ti nangruna?
—¡Ay wen, agpayso! nagyanak sadi Los Banios; innak sangwen dagiti kankaniugan, ta kayatko ti mangipatakder iti maysa a pagaramidan iti lana; agsugpunkam ken dakkel mo.
—¿Awanen no di dayta? jAnia man met a palimed daytan! —kinuna ni Sinang iti napigsa, a ti timekna kas la timek ti maysa nga agpapaanak iti pirak a nasuitik; —ipagarupko la a...
—¡Aluadam! ¡Saan ko nga ipalubos a inka ibagbaga!
