—¡Sursurutendak! —indayamudom toy; —¿ti ngata ket
Guardia Sibil? iagulbod ngata ti sakristan mayor?
—Kunada a ditoy ti pagdadanunanda, —kunkuna met iti nainayad a timek ti maikadua nga anniniwan; —dakes ngata ti inda panggepen, ta inda man ilimed kaniak dagitay dua nga agkabsat.
—Idi kuan, ti immuna nga anniniwan nakagteng iti ruangan ti kampo-santo. Dagidi tallo nga immun-una dimmarupda.
—¿Dakayo?
—¿Dakayo?
—¡Agsisinatayo, ta adda mangsursurot kaniak! Inton bi gat, addanto kadakayon dagiti ig-igam, ket itinto met rabiin.
Ti pukkaw iso toy: “¡Biba don Crisostomo" Inkayon.
Dagidi tallo nga an-anniniwan nagpukawda iti likudan ti kabiti. Daydi kas-sasangpet naglemmeng iti sirok ti ruangan ket naguray a siuulimek .
—Kitaen man no siasinno ti mangsursurot kaniak! —indayamudumna.
—Daydi maikadua nga anniniwan dimteng a kasta unay nga annadna ket nagsardeng a kas la itay kimmita iti lawlawna.
—¡Naladawak a dimteng! —kinunana iti nainayad unay;— ngem bareng no agsublida.
—¡Ket gapo ta mangrugi nga agtudo iti tarukitik ket kas la agbayag, napan naglinong iti sirok ti ruangan.
Naipapilit a nasarakanna daydi maysa.
—¡A! dasinno kayo? —kinuna daydi sangsangpet a nabangeg ti timekna.
—¿Ket, asinno kay met? —insungbat daydi maysa a sitatalna.
Nagulimekda iti apagbiit; isuda a dua nagbinnigbigda iti langa ken naginnamirisda iti timek.
—¿Ania ti urayenyo ditoy? —sinaludsod daydi akintimek iti nabanggeg.
—Ur-urayek nga agpatit ti maikawalo nga uras, ta innak kasugal dagiti natnatay, kayatko ti mangabak ita a rabii, —insung bat daydi maysa a timekna ti kas kadawyan; —ket dakayo, ¿ania ti inayunyo?
—Kas . . . kasta met.
