—Ni! maragsakannak man; iti kasta, saannakto a maymaysa.
Adda inipisko; iti umuna a patit, yalbural^ ida, iti maikadua, a
manok; dagiti aggaraw isuda dagiti nip-nipis dagiti natnatay ket
masapol a kainnagaw ida iti tinnagbat. dAdda met inkuyugyo
nga nipis?
—¡Awan!
—¿Kasano, ngarod?
Nalaka unay kas ti panangiseksekyo kadakuada, urayek a isuda ti mangiseksek kaniak.
—¿Ket no saan a mangiseksek dagiti natnatay?
—¡Ania ti aramiden! Di pay met la maipapilit ti sugal ka dagiti natnatay . . .
Nagulimekda iti nabiit.
—¿Adda igam yo? ¿Kasano ti pannakirupakyo kadagiti natnatay?...
—Kadagiti im-imak, —insungbat daydi dakdakkel kada kuada a dua.
—¡Ni! ¡Sairo! ita malagipko, dagiti natnatay saanda a makisugal no adda nasurok a maysa a sibibiag, ket dua ta.
—¿Agpayso? no siak, diak kayat ti pumanaw.
—Uray siak, masapulko ti pirak, —insungbat daydi basbassit; —ngem adda aramidenta; agsugalta a dua, ket ti maabak iso ti pumanaw.
—Ala wen . . . —insungbat daydi maysa a nakaluksaw bassit.
—No kasta, sumbrekda ... ¿adda gurabisyo?
Simbrekda ket simmapulda iti daydi nalawag bassit a sipnget, iti disso a maitutop; di nabayag, nakasarakda iti maysa a tanem, iso a nagtugawanda. Daydi basbassit nangala iti kallugongna iti inipis, ket daydi maysa nangikur-it iti bagas ti gurabis.
Nagkinnitada a dua iti silaw, ngem no kitaen dagiti ruprupada, saanda nga agam-ammo. Nupay kasta, intay bigbigen iti daydi nataytayag ken nabaneg ti timekna, ni Elias, ket iti daydi basbassit, ni Lucas gapo iti piglat iti pingpingna.
—¡Alsaanyo! —kinuna toy, a dina ket binay-an a pinalpaliiw ti kaduana.
Inwalinna dagiti sumagmamano a tultulang a nasarakanna iti rabaw ti tanem, sa dimmutdot iti maysa nga alas ken maysa
