ta nairana a limmabas sadiay daydi dakkelyo: nakaunget, nagtaray a immasideg iti daydi agsingsingir, tenengngelna ti takiagna kct nagsasawanna iti napalalo. Daydi agsingsingir, a di duaduaen, nalabaga amin a makitanan, linayatanna, ngem daydi dak
kelyo dina inikkan iti kanito, ket iti pigsana a mangipakita
a kapututan dagiti taga Baskonia . . . adda agkuna a kinabilna,
adda mangibaga nga indurunna laeng, ngem ti ket naaramid,
daydi tao naibasing, natuang iti di unay adayo ket naimalo ti
ulona iti maysa a bato. Ni don Rafael binangunna a sitatalna
daydi nasugat a ubing kct inpanna iti tribunal. Daydi nagartiliero
nagsarua iti dara ket saanen a nakaungar, kalpasan ti sumagmamano a kanito, natay. Kas kadawyan, ti Turay bimiang; daydi
dakkelyo nabalod, ket idi ta kastan, dagiti kabbusorna nga aglemlemmeng bimmangunda amin. Nagtudo dagiti pammadpadakes, indarumda a pilibustero ken ereje; ti kinaereje iti amin a
disso, maysa a dakkel a kinadaksanggasat, nangruna ka dagidi
nga al-aldaw a ti Alkalde ti probinsia, maysa a tao nga inna ipadpaduyakyak ti kinamananglualona, ta kaduana pay dagiti ubbingna nga aglualo iti simbaan iti rosario a daytay inda ipukpukkaw, nalabit tapno mangngeg ti amin a tao ket kaduaenda nga
aglualo; ngem ti kinapilibustero, dakdakes pay ngem ti kinaereje
ken ti pumatay iti tallo nga agsingsingir iti buis nga ammuda ti
agbasa, agsurat ken mamaglalasin. Isuda amin inda binaybay-an;
dagiti pappapcl ken pagpagbasaanna inda innala.
Indarumda
nga agaw-awat iti “El Correo de Ultramar" ken dadduma pay a
pagpagiwarnak sadi Madrid; indarumda gapo ta inbaunnaka sadi
Suiza nga aleman, gapo ta adda nasarakanda kenkuana a sursurat ken ladawan ti maysa a padi a nadingpil,4 ken dammok ket
di no ania pay? Uray la no ania, nagtaudan ti darom, ti pay panagaruatna iti bado ti pilipino, idinto ta kapututan ti kastila.
No kuman sabali daydi amayo, nalabit a nadaras kuma a rimuar
iti pagbaludan, ta adda maysa a mangngagas a namaneknek a
daydi daksanggasat nga agsingsingir natay ta bimmukno ti dara
iti ulona; ngem ti kinabaknangna, ti panagtalekna iti Linteg,
ken ti gurana iti amin a maikanniwas iti pagalagadan ken iti
Linteg, isuda ti namukaw kenkuana.
Siak pay, numan pay
marugitak a dumawdawat iti kaasi iti siasino man napanak iti
Kapitan Jeneral, daydi sinukatan toy agdama; inbagak kenkuana
(4) Daydi apo Burgos.
— 29 —
