a kabayo. Ni Elias pagsasarunuenna ti mangikur-it iti gurabis.
—¡Ita kabayo! —kinunana; ket tapno mailasin, pinarabawanna ti inipis iti maysa a tulang.
— ¡Juego! —kinuna ni Lucas, ket iti maikapat wenno maikalima a dimmutdot, rimuar ti alas.
—Naabakkayo, —innayunna; —ita, bay-andak a maymaysa nga agsapol iti pagbiagko.
Ni Elias, a di ket nagtagari, immadayo ket nagpukaw iti sipnget.
Kalpasan ti sumagmamano a kanito, nagpatit ti maika 8 nga uras iti relos ti simbaan ket ti kampana pinatitna met ti animas; ngem ni Lucas di met immawis iti kasugalna; saanna nga inawagan dagiti natnatay, kas bilin ti panagdibusion, ngem inikkatna ket ti kallugongna ket nangidayamudom iti lualo a nagugis ket nagkuros iti kasinrayray ti pamayan iti daydi met la a kanito ti pangulo ti Kopradia ti Sant'isimo Rosario.
Iti amin daydi a nagpatnag saan a nagsardeng ti arbis. Iti maika 9, dagiti daldalan nasipngetdan ket awan matatao kadakuadan; dagiti silsilaw a lana, a tumunggal balay annongna nga ibitin, apaman la ta masilawanda ti maysa a metro iti lawlawda: kas da la naseggedan tapno makita ti sipnget.
Dua a Guardia Sibil ti agpagnapagna iti pungto ken pungto ti lansangan, iti asideg ti simbaan.
—¡Nalamek! —kinuna ti maysa iti sao ti tagalog, ngem ayan ti taga Bisaya; —awan matiliwta a sakristan; awan mangtarimaan iti kagab ti alperes . . . Gapo iti' ipapatay daydi maysa, nabagbagaandan; masimbrunannak unay iti kastoy.
—Urak siak, —insungbat ti maysa; —awan agtakaw, awan agringgor; ngem, kaasi ni Apo Mugna, kunada nga adda ditoy ili ni daytay Elias. Kuna ti alperes a ti makatiliw kenkuana, saanto a masapsaplit iti bayat ti tallo a bulan.
—¡A! ¿ammom dagiti tantanda a pagilasinan kenkuana?— sinaludsod daydi bisaya.
—¡Wen la ket di a! ti kabilegna, ket natayag, kuna ti alperes; kadawyan, kuna ni Padre Damaso; napugot; dagiti matmatana, nangisit; ti agongna, kadawyan; ti ngiwatna, ket kadawyan met ti imingna, awan buok na a nangisit...
—¡A! iket dagiti sabsabali pay a pagilasinan?
