—Bado a nangisit, kalson a nangisit, mangaykayo . . .
—¡A! saanto a makalusot; kas ko la kitkitaenen.
—Saan ko a maisukat iti sabali, uray no kapadpadana.
Ket dagidi dua a sosoldado intuluyda ti nagronda.
Kadagiti silsilaw dagiti parparol adda manen intay makita a dua nga an-anniniwan a nagsaruno, ket nalaos ti annadda. Maysa a natbag a “kien bibe?” ti namagsardeng kadakuada, ket ti immuna simmungbat, ket “¡Espania" kinunana, a timekna ti mamigerger.
Dagiti sosoldado guyguyudenda ket inda ipan iti maysa a silaw tapno inda mabigbig. Iso ni Lucas, ngem dagiti sosoldado agduadua ket agkinnitada.
—¡Ti alperes saanna a kinuna nga adda piglatna! —kinuna daydi bisaya iti nainayad. —¿Adinno ti papanam?
—Innak mangipan iti maysa a misa a maitungpal kuma no bigat.
—¿Saan mo a nakita ni Elias?
—¡Saan ko nga am-ammo, apo! —insungbat ni Lucas.
—¡Saan ko a saludsuden kenka no am-ammom, ang-ang! uray dakami dimi met am-ammo; saludsudek kenka no nakitam.
—Saan, apo.
—Denggem a naimbag, ibagak kenka ti pagilasinan kenkuana. Ti bilegna, pasaray natayag, pasaray kadawyan; ti buok ken matana, nangisitda; amin no dadduma, kadawyan, —kuna daydi bisaya. —¿Ammom itan?
—¡Saan, apo! —insungbat ni Lucas a napamulengleng.
—No kasta, ¡sulong! jnuang, kabayo! —ket inda induron.
—¿Ammom no ania ti gapona a ni Elias, natayag iti alpe res, ket kadawyan iti kura? —sinaludsod a sipapanunot daydi tagalog iti bisaya.
—Saan.
—Wen, ta ti alperes situtublak iti lutlot, idi inna nakita, ket ti kura sitatakder.
—¡Pudno! —kinuna daydi bisaya; nasariritka... ? saka pay sibil laeng!
-—Saanak a sibil a sigod; kontrabandista-ak idi, —insungbat daydi tagalog, a sitatangsit bassit.
Ngem adda sabali nga anniniwan a nakitada: kinienbibeda
