a pang-or ken pammagsasao. Ubbaw ti panagsapatana; addada
dagiti nu-nuangna a kinaduana ket mabalinda ti agsao.
—Ad-adu ket ti ammumon ngem ti selador ken dagiti ermanas, sika parakmason, ereje? —kunkunada kenkuana ket inda kitkitaen iti dakes a ikikita.
Ti kura immuli iti pulpito ket sinublianna ti nangasaba maipapan iti Purgatorio, ket dagiti pinisos nagruarda manen kadagiti naglemlemmcngan da, a naibayad iti misa.
Ngem bay-antay dagiti karkararua nga agtutuok ket denggentay dagit’ sarsarita da don Filipo ken lakay a Tasio, iso nga adda a masakit iti naiwaywayas a balayna. Mano nga aldaw idin a daydi pilosopo wenno agmauyong, dina mapanawan ti iddana, naidalit gapo iti maysa a kinakapoy a napardas unay a nagsaknap iti amin ti bagina.
—Pudno a diak ammo no inkay kablaawan gapo iti panangannugotda iti panagikkatyo; idi kua, idi saan la a nagbain ti gobernadorsilio a di nangipangag iti kayat ti kaaduan, nalinteg idi ti inkay panagdawat iti panagikkatyo; ngem ita ta makidangdangadang kay iti Guardia Sibil, saan a maiparbeng. No madama ti gubat, rebbeng ti agtalinaed iti disso a yan.
—Wen, ngem saan, no pailako met ti pangulo, —insungbat ni don Filipo; —ammuyon a iti sumuno a bigat, ti gobernador silio inna pinalusutan dagiti sosoldado a natiliwko, ket nagmadi a nangaramid iti uray la no ania. No awan yaannamong ti pangulok, awan mabalinko nga aramiden.
—Dakayo, a maymaysa, awan; ngem no agtitipunkayo dakayo ken dagiti dadduma, ado. Inaramatyo kuma daydi a kanito a nangted iti pagtuladan dagiti sabsabali nga il-ili. Iti ngatuen ti nakakatkatawa a turay ti gobernadorsilio, adda ti kalintegan ti Hi; maysa daydi a pangrugyan ti maysa a nasayaat a pagulidanan, ket inkay dinadael.
—¿Ket, ania kuma ti mabalinko a sumupiat iti pannakabagi dagiti ado a kadaanan a panpanunot? Addaydiay man ni apo Ibarra; naipapilit a timmulok kadagiti patpatien dagiti kaa duan, dipagarupyo a mamatpati iti eskomunion?
—Saan nga agpadpada dagiti kaskasasaadyo: ni apo Ibar ra kayatna ti agmula, ket ti agmula, masapol nga agkubbo ken
sumurot iti kayat ti bagi; ti biangyo nga aramid, mangwagwag,
