This page has been validated.
—¿Kayatyo ti agas? —sinaludsod ni don Filipo tapno mabaliwan ti sarita da a namagliday iti langa ti masakit.
Dagiti mapan matay dida masapol ti agas; dakayo a mabati, dakay ti makasapol. Jbagayo ken don Crisostomo nga umaynak bassit sarungkaran no bigat, ta addada nasken unay a banbanag a innak ibaga kenkuana. Iti uneg dagiti sumagmamano pay nga alaldaw, innakon. ¡Ti Pilipinas adda iti sipnget!
Ni don Filipo, kalpasan ti sumagmamano pay a kanito a pannakisarsaritana, pinanawanna, a siraranga ken sipapanunot, ti balay ti masakit.
