- Quidquid latet, adparebit, Nil
- inultum remanebit. (Amin a
- nalmeng into mairuar awan
- makaaramid uray ania man.)
Ti kampana ipakdaarna ti panaglualo iti sumipnget; no inda
mangngeg daydi nasingpet nga aweng, agsardeng amin dagiti tattao, isardengda dagiti ar-aramidda ket ikkatenda dagiti kalkallugongda: ti agtaltalon nga aggapo iti away, itukengna ti agdaniw,
pagsardengenna ti nabannayat a pagna ti nuang a nagsakayanna
ket aglualo; dagiti babbai agugisda iti tengnga ti lansangan ket
inda pagkutikutien a kasla agpaypayso dagiti bibbibigda tapno
awan agduadua iti panaglualoda; ti lalaki isardengna nga ap-aprusan ti manokna ket lualuenna ti “Angelus" tapno umay ti naimbag a gasat; iti uneg dagiti balbalay, napigsa ti panaglualo . . .
amin a ringgor a saan a ti “Abe-Maria", agpukaw, agulimek.
Nupay kasta, ti kura, a sikakallugong, lasatenna a nakakarkarting ti lansangan, a kasta unay a pannakariri dagiti ado a babbaket; ¡ket adadda manen ti pannakaririda, idi ta agturong iti balay ti alperes. Dagiti mananglualo kunada no kaniton ti panangisardengda iti garaw dagiti bibbibigda, ta inda agepen ti ima ti kura, ngem ni Padre Salvi dina ida italtalek; ita, saan a maragsakan a mangikabil iti natulang a imana iti rabaw iti agong dagiti kristiano, sana yarikap a di madmadlaw iti kalpasanna (kas napaliiw ni dunia Consolation) iti barukong ti maysa a nalapsat a balasitang, nga agdumog a dumawat iti bendision na. ¡Napateg ngata a banag ti panpanunutenna, ta inna payen malipatan ti bukodna a pagimbagan ken ti pay pagimbagan ti Simbaan!
Pudno, kasta unay a pardasna nga immuli iti agdan ket immayab a sigaganat iti ruangan ti balay ti alperes, iso a rimuar a sikukuribetbet dagiti kidkidayna, ket sinaruno ni asawana, nga
umis-isem a kas la maysa a nagunggan.
