—¡A, padre kura! umaykay kuma kitaen itay, ti kalding yo • • •
Adda napateg unay a banag a ibagak kadakayo...
—Diak mabalin a ipalubos a kanayon a dadaelenna ti alad . . . ¡paltugak no agsubli!
—¡Wen a, no agbiagkay pay inggana no bigat! —kinuna ti kura a bumangesbanges ket nagturong iti salas.
—¿Ania? ¿ipagarupyo a papataycnnak ni dayta sinantatao a pitpito a bulanna a nasikog? ¡No inkugtarko kenkuana ti murdong ti sakakon, bumtaken!
Ni Padre Salvi nagsanod ket dina napuutan a kinita ti saka ti alperes.
—¿Asinno ti kunayo? —sinaludsudna a sipipigerger.
—¿Asinno pay met ti kunak no di ni dayta ang-ang a mayat kan a makipinnaltog kaniak iti baet ti sangagasot a kaaksaw?
—¡A!—inyanges ti kura, ket innayunna:—Umaykay kasarita maipanggep iti maysa a banag a nasken unay.
—¡Baybay-anyo man dagita nasken a banbanag! jKas man ngata ti daydi kadagidi dua nga ubbingen!
No saan kuma a lana ti segden ti silaw ket di met kuma unay narugit ti globo a pagsilawan, nakita kuma ti alperes ti bessag ti kura.
—¡Ita, pudno unay nga agpeggad ti biag tay amin!—insungbat toy iti nainayad.
—¡Pudno unav!—inulit ti alperes, a bimsag;—dnalaing kad a pumaltog daydiay a bumaro?
—Saan a iso ti kunak.
—¿Ania, ngarod?
Ti praile intuduna ti ruangan, iso nga inna rinipkan iti kadawyanna, inna inkusay. Ti alperes dina pagan-ano dagiti imimana ket awan kuma ti napukawna no saan a naikkan iti dua nga ima. Maysa a dakes a sao ken maysa nga ungor ti simmungbat iti ruar.
—¡Nuang! jpinisim ti mugingkon! —inpukkaw ti asawana.
¡Ita, isaruayon! —kinuna ti kura a sitatalna.
Toy inna kinita iti nabayag; sana sinaludsod, a inaramatna ti timek a rumuar iti agong ken makauma ti mangasaba:
—¿Nakitayo no kasano ti panagtartaray ko nga immay ditoy?
