—¡Redios!—jinpagarupko nga agburiskayo!
—Ala wen, —kinuna ti kura, dina intaltalck ti kinagubal ti alperes; no kasta ti innak panaglabsing iti annongko, maipuon ta adda nadagsen a gapona.
—¿Ket, ania pay? —sinaludsod daydi maysa, nga intupakna ti sakana iti datar.
—¡Agtuturkayo!
—No kasta, dania, ngad, ti pagdardarasanyo?
Ti kura inasitganna ket sinaludsudna kenkuana iti nalimed:
—¿Awan . . ammuyo . . . a . . . baro . . . a . . . damag? Ti alperes intal-una ti abagana.
—¿Ipudnuyo nga awan nga agpayso ti ammoyo?
—¿Kayatyo a sawen kaniak a ni Elias, a inlemmeng ti sakristan mayoryo idi rabii? —sinaludsudna.
—Saan, saan a dagita a sarsarita ti ibagak ita,—insungbat ti kura, a nakapungtot;—ti kunak, adda maysa a dakkel a peggad.
—No kasta, ¡p . . .! ¡iruaryo, ngaruden!
—¡Ni!—kinuna daydi praile, a sibabannayat ken silalais bassit;—adda man pakakitaanyon iti kinapateg mi a praile; ti kaudian a lego kasinpateg ti maysa a rejimiento; ti ket, ngad maysa a kuran ...
Sana inbaba ti timekna, ket kinunana iti nalimed unay:
—¡Nakatakuatak iti maysa a dakkel a gulo a mairubrubuat! Ti alperes limmagto ket kinitana a napamulengleng daydi praile.
—Maysa a nakabutbuteng ken nakasaysayat ti pannakairubuatna a gulo, nga agbettak ita met la a rabii.
—Ita met la a rabii!—kinuna ti alperes ket dinuklusna ti kura, sa nagtaray a napan nangala iti rebolber ken sable na a sibibitinda iti diding, ket.
—¿Asinno ti tiliwek? dasinno ti tiliwek? —inpukkawna.
—Agtalnakayo. adda pay la kanito, yaman pay iti darasko; inggana iti agpatit ti maika walo nga uras . . .
—¡Paltugak amin ida!
—¡Denggenyo! Itay malem, maysa a babai, a ti naganna diak rebbeng a ibaga (maysa a palimed ti konpesion), immasideg kaniak ket inbagana amin. Inton agpatit ti maika walo, (rubbuutenda) rautenda ti kuartel, samsamendanto ti konbento, alaenda ti
barangay, sa datay papatayen amin a kakastila.
