Ti alpcres napamulengleng.
—Ti babai awan inbagana kaniakon no di la dayta,—innayon ti kura.
—¿Awan sao nan? ¡innak tiliwen!
—Saan ko a mabalin a ipalubos; iti pangukuman ti konpesion iso ti saad ti Dios ti asi.
—¡Awan Dios kada as-asi! ¡innak tiliwen!
—Bubuungenyo la ti uloyo. Ti rcbbengyo nga aramiden, agsaganakayo; saan kay nga agtagtagari ket ikkanyo dagiti sosoldado iti igamda, sa kay paglemmengen ida nga agdadaan; ibaunandak met iti nppat a bantay ti konbento ket paibagayo ka dagiti tattao ti barangay.
—¡Awan tay barangay! ¡Dumawatak iti badang kadagiti sabsabali nga il-ili a yan ti Guardia Sibil!
—Saan, ta madlawda no kuan, ket dida patuluyenen ti rantada. Ti nasken iso ti intay kadakuada panangtiliw a sibibiag, sa tay ida pagsawen, kunak ket di, sa kay,to ida pagsawen; siak, iti galad ko a padi, saan ko a rebbeng ti bumiang kadagita a banbanag. jAgannadkayo! mabalinyo ti ngumato ita iti saad, makaalakay ita iti krus kada bitbituen; isuna la a dawatek a ibagayunto a siak ti namagsagana kadakayo.
—¡Wen, padre, maibaganto, ket nalabit nga agobispokayo! — insungbat ti alperes, a makaragragsak, ket kinitana ti ima ti aruatenna.
—Ibaunandak, wen, iti uppat a soldado a manglimlimo, saan nga agkawes iti aruaten ti soldado, da? jagannadkay a nalaing! Ita a rabii, inton agpatit ti maika walo, tumudunto dagiti bit bituen ken krus.
Idi ta maar-aramid dagitoy, maysa a lalaki ti napan a nagtartaray iti lansangan nga nagturong iti balay ni Crisostomo ket kasta unay pardasna nga immuli iti agdan.
—¿Adda ni apo?—sinaludsod ti timek ni Elias iti maysa nga ubing.
—Adda nga agar-aramid iti pagad-adalanna.
Ni Ibarra, tapno mailiwliwagna ti seggana nga agur-uray iti kanito a mabalinna a pannakisao ken Maria Clara, napan nagaramid iti pagadalanna.
—¡A! ddakayo gayam, Elias?—kinunana;—dakay itay ti ma-
