laglagipko; idi kalman, nalipatak a sinaludsod kadakayo ti nagan
daydi kastila a nagyanan daydi apoyo a lakay.
—Saan a siak, apo, ti nasken a biangan . . .
—Kitaenyo, —intuloy ni Ibarra, a dina nadlaw ti pigerger daydi bumaro, kct inyasidegna ti maysa a bislak iti apoy;—adda maysa a naindaklan a banag a innak nasarakan: toy a kawayan saan a sumged.
—Saan a dayta kawayan ita ti nasken, apo; ti nasken iso ti inkay panangarikutnkcm kadagiti amin a pappapelyo, sa kay tumalaw iti uneg ti maysa a darikmat.
Ni Ibarra kinitana a nasdaawan ni Elias, ket idi maimatanganna ti langa ti rtipana, naibbatanna ti igiggamanna.
—Pu-uranyo amin a makaisarsarak kadakayo ket iti uneg ti maysa nga uras rebbengyo ti agyan iti maysa a disso a nasalsa lindeg.
—¿Ket, apay?—nasaludsudna idi agangay.
—Ispalenyo ti amin a napateg kadakayo . . .
—¿Ket, apay?
—Puuranyo amin a pappapel a sinursuratanyo wenno surat a naiturong kadakayo; ti adadda nga awan an-aniana a mabalinda nga awaten a dakes...
—Ngem, dapay?
—¿Apay? wen ta adda kattatakuatko nga irubrubuatda a maysa a gulo nga indanto ipabasol kadakayo, tapno mapukawkayo.
—¿Maysa a gulo? ket asinno ti akin-aramid?
—Diak nabalinan a napalutpot ti akinggapuan; itay laeng, innak nakasarita ti maysa kadagiti daksanggasat a binayadanda a mangaramid iti gulo, iso a diak nabalin a napagbaw-ing.
—Ket dayta a tao, ddina nasao kadakayo no asinno ti mangbayad kadakuada?
—Saman, ket dinawatna a diak sasawen ti palimedda inbagana kaniak a dakayo ti mangbayad.
—¡Dios ko!—kinuna ni Ibarra ket nagbuteng.
— ¡Apo, dikay agngata, ditay dadaelen ti kanito, ta ti gulo nalabit nga agbettak ita met la a rabii!
Ni Ibarra, a kasta unay a mulagat dagiti matmatana, ket dagiti imimana pinetpetanda ti ulona, kas la dina mangngeg ti
inbaga ni Elias.
