—Saan a mabalin a tipdenen,—intuloy ni Elias;—naladawak a dimtcng, diak ammo no asinnoda dagiti pangpanguloda... ispalenyo ti bagiyo, apo, agbiagkayo iti pagimbagan ti ili yo!
—¿Adinno ti innak pagkamangan? jlta a rabii, adda mangururay kaniak! —kinuna ni Ibarra, ta silalagip ken Maria Clara.
—¡Uray adinno a sabali nga ili, sadi Manila, iti balay ti maysa nga agturay, ngem masapol a iti sabali a disso, tapno didanto makuna a dakayo ti nangiturong iti gulo!
—¿Ket no siak ti mapan mangidarom?
—¿Dakayo ti mapan mangidarom?—kinuna ni Elias, a kinitana ket nagsanod; —manglilipot, takrot, kunadanto kadakayo dagiti mangaramid iti gulo, ket awanan ingel; kunanto met dagiti sabsabali; kunadanto a nangikabilkay iti maysa a silo tapno inkay makagun-od iti panggapuan ti turay a mangilala kadakayo; kunadanto a . . .
—Ngem, dania, ngad, ti aramiden?
—Inbagakon: puuranyo arnin a pappapel a maipapan kada kayo, sa kay tumalaw, ket urayenyo ti pagangayan dagitoy nga ar-aramid . . .
—¿Ket ni Maria Clara ngay?—kinuna daydi bumaro;—saan, jumun-una pay ti matay!
Ni Elias tiniritirna dagiti im-imana ket kinunana:
—Ala wen, uray ngad no inkay la agsagana a mangsarapa iti umay a dakes, jagsaganakay, ngarod, inton indakay idarom!
Ni Ibarra kinitana ti lawlawna, a napamulengleng.
—No kasta, tulungandak, ngarod; dagita a karkarpeta iso ti yan dagiti sursurat dagiti kakabagyak; pilienyo dagiti sursurat daydi ama, ta isuda ngata ti mabalin a makaisarsarak kaniak. Basaenyo dagiti pirpirma.
Ket daydi bumaro, a dina ammo ti kukuenna, kasla awan riknana, ket lukatan ken ripkanna dagiti kakkajon, adda alaenna a papel, basaenna a naparpardas dagiti sursurat, adda pigisenna, adda idulinna, adda alaenna a pagbasaan, lukibenna ida, kdmpy. Ni Elias kasta met ti aramidna, nupay saan a nakuso-kuso, ngem kasdi met la ti gagarna; pagammuanen, agtukeng, dumakkel dagiti matmatana, balibaliktadenna ti maysa a papel a igiggamanna ket saludsudenna, a timekna ti mamigerger:
—¿Naam-ammo dagidi nagan-annak kadakayo daydi don
Pedro Eibarramendia?
