— ¡Wen la ket di a!—insungbat ni Ibarra, 1 nanglukat iti maysa a kajon kct inyaunna ti sangabunton a pappapel; —iso daydi ti apok iti tumeng!
—¿Apoyo iti tumeng daydi don Pedro Eibarramendia? — inulit a sinaludsod ni Elias, a bimsag a kas la maysa a bangkay ket namalbaliw ti iangana.
—Wen,—insungbat ni Ibarra, a sabali ti yan ti nakemna;— inkababarni ti apelyido, ta atiddag.
—¿Baskongado?—inulit ni Elias, a immasideg.
—Baskongado, dngem, ania ti adda kadakayo? —sinaludsudna, a nasdaawan.
Ni Elias pinetpetanna ti gemgemna, intalmegna ti mugingna ket kinitana ni Crisostomo, iso a simmanod, idi mabasana ti adda iti rupana.
—¿Ammuyo no asinno daydi don Pedro Eibarramendia? — sinaludsudna, a ngimmernger. Daydi don Pedro Eibarramendia iso daydi dakes a tao a nangparpardaya idi apok a lakay, ket iso ti puon ken gapo amin ti kinadaksanggasat mi... .Napanko sinapsapol ti apelyidona. Ni Apo Mugna yawatnakay kaniak... jbayadanyo dagiti rigrigat a inkam linaklak-am!
Ni Crisostomo kinitana a sibubuteng, ngem ni Elias winagwagna ti takiagna, ket kinunana kenkuana, a timekna ti ingget pait ken um-umkis iti apas:
—Kitaendak a nalaing, kitaendak no nagtutuukak, ket dakayo, sibibiagkayo, agayatkayo, baknangkayo, adda balayyo, madaydayawkayo, sibibiagkayo . . . ¡sibibiagkayo!
Ket iti dina pannakaammon iti adda kenkuana, nagtaray a napan iti yan dagiti ig-igam, ngem apaman a nakaala iti dua a bugyas (punial) inna ida inibbatan, ket inna kinita, a kas la maysa nga agmauyong, ni Ibarra, iso a di met nakakuti piman.
—¿Ania kuma ti innak aramiden itay?—indayamudumna, ket
nagtalaw iti daydi a balay.
