Iti panganan madamada a mangrabrabii da Kapitan Tiago,
Linares ken ikit Isabel; manipod iti salas mangngeg ti uni dagiti
pingpinggan ken kubkubiertos. Ni Maria Clara inbagana a madi a mangan ket sinanguna ti piano, a kaduana ni naragsak a
Sinang, iso a mangyar-arasaas kenkuana kadagiti nalmeng a sasao;
ni Padre Salvi adda met nga agpagnapagna iti murdong ken
murdong ti salas a di ket makaidna.
Saan a gapo ta di mabisin ti agpapaungar, saan; ngem ururayenna ngamin ti isasangpet ti maysa a tao, ket pinilina daydi a kanito, a kaawan a si-sasango ni Argosna: ti kanito a panangrabii n; Linares.
—Kitaemto no di agbati ditoy inggana iti maikawalo ni day ta nay araria,—inyarasaas ni Sinang ket intuduna ti kura;—iso rebbengna nga adda ditoy no agpatit ti maikawalo. Ni dayta agarem met a kas ni Linares.
Maria Clara kinitana a sikikigtot ti gayyemna. Toy, a dina ket nadlaw, intuluyna ti nakabutbuteng a panagsausaona:
—¡A! ammukon ti gapo ti dina talawan, nupay kasano nga innak panangpaspasagid; ¡dina kayat ti makabusbos iti segden idiay konbento! ¿ammom? Nanipod idi nagsakitka, dagiti dua a pagsilsilawan a pasegseggedanna idi, nagsublida a naiddep . . . ¡Ngem, kitaem dagidiay matmatana ken daydiay rupana?
Iti daydi a kanito nagpatit ti maikawalo nga uras iti relos ti balay Ti kura nagkintayeg ket napan nagtugaw iti maysa a suli
—¡Umayen!—kinuna ni Sinang, ket kinuddutna ni Maria Clara;—¿mangngegmo?
Ti kampana ti simbaan pinatitna ti maikawalo, ket isuda amin timmakderda a naglualo; ni Padre Salvi, a timekna ti nakapoy
ken agpigpigerger, i$o ti nanglualo, ngem, agsipod ta tumunggal
