maysa adda bukodna a panpanunuten, awan nakadlaw iti kasdi.
Apuman la a nalpas ti lualo, nagparang ni Ibarra. Daydi bumaro nagpancs saan la nga iti aruatna, no di pay ket iti rupana, ket idi nakita ni Maria Clara, timmakdcr ket immaddang a simmabat kenkuana a kasna itay kayat a saludsuden no ania ti adda kenkuana, ngem iti daydi met la a kanito, adda nangngeg a uni ti paltog. Ni Ibarra nagsardeng, nagpuligos dagiti matmatana, saan a nakasao. Ti kura naglemmeng iti likudan ti maysa a teddek. Addada manen nangngeg a un-uni ti paltog iti yan ti konbento, a napasarunuan iti riaw ken taray. Da Kapitan Tiago, ikit Isabel ken Linares nagtarayda a simbrek a mangipukpukkaw iti: jtulisan! jtulisan! Sinaruno ida ni Andeng a mangiwaswasawas iti maysa nga asador (tudok a pagtuno) ket nagtaray a napan iti yan ti kinakasusona.
Ni ikit Isabel nagparintumeng ket nagsangit, sana lualuen ti “Kyrie eleyson;" ni Kapitan Tiago, a sibebessag ket agpigpigerger igiggamanna ti tenedor (tudok) a situtudok iti dalem ti manok, iso nga inna igay-at a si-sasangit iti Birjen de Antipolo; ni Linares simemelmel ti ngiwatna ket siiggem iti maysa nga idos (kuchara); da Sinang ken Marfa Clara naginnarakupda, ti laeng kakaisuna a saan a nakakuti, a kas la nagbalin a bato, iso ni Crisostomo, a ti bessagna di masao.
Ti riaw ken danarudor dida sumardeng: mairikep dagiti tawtawa a kasta unay a ringgor, adda mangngeg a sulsultip, adda met mangngeg a uni ti paltog sagpaminsan.
—'¡Kriste eleyson!" Santiago, matungpalen ti padto . . . ¡irikepmo dagiti tawtawa!—yas-asog ni ikit Isabel.
—¡Lima pulo a palpaltog a dadakkel ken dua a misa de grasia!—insungbat ni Kapitan Tiago;—“¡ora ¡pro nobis!"
Nangin-inot a nagsubli ti nakabutbuteng a ulimek . . . Mangngeg ti timek ti alperes nga agpukpukkaw nga agtartaray.
—¡Padre Kura!, ¡padre Salvi! ¡Umaykayo!
—“¡Miserere¡" ¡Ti alperes umawag iti konpesion!—ipukpuk-kaw ni ikit Isabel.
—¿Nasugat ti alperes?—saludsuden idi agangay ni Linares ¡¡¡A!!!
Ket ita, madlawna a dina pay nagalgal ti adda iti ngiwatna.
