—¡Padre kura, umaykayo! ¡awan kabutengen!—intuloy a inpukkaw ti alperes.
Ni Fray Salvi, a sibebessag, naalana met la ti nakemna idi agangay rimuar iti naglemmcnganna, ket immulog.
—¡Dagiti tutulisan pinatayda ti alperes! ¡Maria, Sinang, inkay ita siled, ripkanyo a nalaing ti ruangan! “Kyrie eleyson!"
Ni Ibarra nagturong met iti agdan, nupay inggawid ni ikit Isabel a kunkunana:
—¡Dika rumrumuar ta dika nagkonpesar, dika rumrumuar!
Daydi naimbag a baket, pagayam unay daydi inana.
Ngem ni Ibarra tinalawanna ti balay; ipagarupna nga agpulpuligos amin nga adda iti lawlawna, kas la awan daga a paypayatenna. Dagiti laplapayagna agwengwengwengda, dagiti saksakana nabantutda unay nga agkuti ket dagiti ad-addangna saanda nga agpapada: dalluyon a dara, lawag ken sipnget ti agsisinnublat a makitana.
Numan pay ti bulan adda a rumanraniag sadi langit, daydi bumaro maitigkutigkol kadagiti batbato ken kaykayo nga adda iti dalan, agwaywayas, awan matataona.
Iti asideg ti kuartel nakitana dagiti sosoldado a sikakabil da giti baybayoneta da, ket agsasauda iti napigsa, iso ti gapona a limmabas a dida nadlaw.
Iti tribunal, addada mangngeg a disdisnog, ik-ikkis, as-asog, lun-lunod: ti timek ti alperes lumtaw ket saknapenna amin.
—¡Ikabilyo iti pangaw (cepo)! jkawaranyo dagiti im-imana! jPaltuganyo iti mamindua ti aggaraw! jSarjento, mangikabilkay iti gurdia! ¡Ita, awan magna iti lansangan, uray ti Dios! ¡Kapitan, awan maturog!
Ni Ibarra pinardasanna ti nagna a napan iti balayna; dagiti ubbingna si-uurayda kenkuana a sidadanag.
—¡Siliaanyo ti kalaingan a kabayo, ket inkay maturugen! — kinunana kadakuada.
Simbrek iti pagad-adalanna, ket kinayatna nga insagana a sikakarting ti maysa a maleta. Linukatanna ti maysa a lakasa a landok, innalana amin ti pirak nga adda sadiay ket inkabilna iti supot. Innalana dagiti balbalitokna, inbabana ti maysa a ladawan ni Maria Clara, ket idi naka-igamen iti maysa a bugyas (punyal)
