Ket idi ta maringpas kuma aminen; idi ta rumsua a makalusot
iti naipabiddot kcnkuana nga iso kabusor ti Espania ken ti ipapatay daydi agsingsingir iti buis, natay iti pagbaludan nga awan
man la ti uray maysa iti dennana. Dimtengak idi isuna a nagsat ti angesna.
Daydi lakay nagulimek; ni Ibarra saan a nakayebkas iti uray
la no maysa a sao. Idin, nakadanunda iti ruangan ti kuartel. Ti
teniente nagsardeng, inggayatna ti imana, ket kinunana:
—Anak, dawatenvo ken Kapitan Tiago dagiti dadduma. Ita; naimbag a rabi-iyo! masapol a kitaek no adda baro a naaramid. Ni Ibarra pinetpetanna a siaayat, awan sao na, daydi ima a nakatultulang, ket inna sinipsiputan, a siu-ulimek, inggana iti di nagpukaw. Nagbaliktad a si-inayad ket adda nakitana a lugan a lumabas; pinayapayanna ti kotsero. —jldiay Fonda de Lala — kinunana a ngangani dipay mangngeg ti timekna.
—Aggapo ngata daytoy iti pagbaludan, — nakuna iti uneg na daydi kotsero, ket inablatanna dagiti kabkabayo na.
-31 -
