ken dua a rebolber, nagturong id yan dagiti kaskasangkapanna a
lanlandok.
Iti daydi a kanito, tallo a tugtugtog a namaga ken napigsa ti nangngeg iti yan ti ruangan.
—¿Asinno? —sinaludsod ni Ibarra, a timekna ti naliday.
—¡Manglukatka iti nagan ti Ari, manglukatka a dagos, wenno rebbaenmi ti ruangan!—insungbat ti maysa a timek a naturvy, iti sao ti kastila.
Ni Ibarra kimmita iti yan ti tawa; simmileng dagiti matmatana ket insaganana ti rebolberna; ngem idi kuan, nagbaliw ti nakemna. indissuna dagiti ig-igam ket iso met langen ti napan nanglukat idi ta mapan metten dagiti ubbingna.
Tallo a sosoldado ti nangdliw kenkuana a dagos.
—¡Pabaludkayo iti nagan ti Ari!—kinuna ti sarjento.
—¿Apay?
—Ibagadanto kadakay sadiay, maiparit kadakami ti inkam panangibaga.
Daydi bumaro nagpanunot iti nabiit, ket iti ngata yadina a di matakuatan dagiti sosoldado ti rubuatna a pumanaw, nangala iti maysa a kallugong, ket kinunana:
—¡Adtuyak a madadaan ita pangngeddengyo! Nalabit a mabiit met la ngata.
—No ikariyo a dikay agtaray, saan dakayo a repreppeten; ti alperes itedna kadakayo toy a kaasi; ngem no tumaraykayo . . .
Ni Ibarra simmurot, ket pinanawanna dagiti nasikuran a ubbingna
Ket idi, iania met ti naaramid ken Elias?
idi pinanawanna ti balay ni Crisdstomo, a kas la maysa a napukawan iti nakem, nagtaray a dina ket ammo no adinno ti papan anna, Linasatna dagiti kataltalunan, nakagteng iti bakir, a kasta unay a pigsa ti kebbakebbana; panawanna ti pagilian, panawanna ti lawag, ti bulan, singsingana, napan immuneg iti nalmeng a linong dagiti kaykayo. Sadiay, a pasaray agsardeng, pasaray magna kadagiti di am-ammo a dandana, agsadag kadagiti lallakay a pupuon dagiti kaykayo, maisalatsalat dagiti saksakana kadagiti lanlanot, kinitana ti ili a sadiay, iti babaen dagiti sak sakana, adda a digdigusen ti lawag ti bulan, nayukrad iti tanap, kasla nagilad iti igid ti danaw. Dagiti tumaytayab, a makariing
iti turogda, tumayabda; dagiti dadakkel a panpanniki, dagiti kul-
