kulla-aw aggaallatiwda kadagiti sangsanga nga agriaw iti makadanag kct inda kitaen kadagiti nabukel a matmatada. Ni Elias
dina ida mangngcg kct dina met ida makita. Ipagarupna a kamkamaten dagiti makapungpungtot nga an-anniniwan dagidi apappo ken dadakkclna; kasna kitkitacn iti tunggal sanga daydi
nakaal-aliaw a kuribot a nakaikabilan daydi daradara nga ulo ni
Balat, kas sinarita kenkuana daydi amana; ipagarupna a madalapusna iti tunggal puon ti kayo daydi baket a natay; kasna itay
kitkitacn iti let-ang ti sipnget, nga agpalpallayog, dagiti nabuyok
a tultulang daydi napadpadakes nga apona a lakay . . . ket da
gidi tultulang, ken daydi baket, ken daydi ulo inda ipukpukkaw
kenkuana: jtakrot, takrot!
Ni Elias pinanawanna ti bantay, nagtalaw ket simmalog iti danaw, iti igidna, iso nga inna inunor a di makaidna; ngem sadiay, iti adayo, iti tengnga ti danom, maimatangam ti lawag ti bulan iti kasla umalibuyong nga angep, kasla adda inna nakita a sitatakder ken main-indayon a maysa nga anniniwan, ti anniniwan daydi kabsatna a balasang, daradara ti barukongna, siwawakray ti buokna nga ipalpalais ti angin.
Ni Elias natuang a naiparintumeng iti kadaratan.
—¡Sika pay! —indayamudumna, ket inwayatna dagiti im-imana.
Ngem, nangin-inot a timmakder, a silalansa dagiti matmatana iti angep, nagna ket timmapog iti danom a kasla itay adda inna sursuruten. Nagna iti daydi mangin-inot nga agadalem a danom ti danaw; adayo iti igiden, ti danom dumanunen iti siketna, ket magna pay laeng, magna pay laeng a kasla itay adda mangawid kenkuana a maysa nga ar-aria. Ti danom dumanunen iti barukongna... ngem aguni dagiti palpaltog, agpukaw ti parmatana ket daydi bumaro agsubli a makapuot. Yaman pay iti talna ti rabii ken iti pay kinakapoy ti angin, dumanunda ken kuana a nalawag ken mailasin ti uni dagiti palpaltog. Sumardeng, agpanunot, madlawna nga adda iti danom; ti danaw sitatalna ket makitana pay laeng dagiti silsilaw dagiti ab-abong dagiti agkalkalap.
Nagsubli iti igid ket nagturong iti ili, dapay? Uray iso dina ammo.
Ti ili kasla awan agindeg kenkuana; amin dagiti balbalay
siririkepda; dagiti pay tartaraken, dagiti as-aso a ruamda ti agtaol
