Isuda amin nagtatarayda a napan mangispal iti mabalin a ispaIcn ngem ti apoy dimmanunen iti bassit a laboratorio ket nagbettakdan dagiti nalaka a mauram nga adda sadiay. Dagiti guardia sibil mapilitda a sumanod; ti pagnaanda sanggaen ti apoy nga agkayamkam ket lamutenna amin a inna madalapus. Banbannog la ti tumawing iti danom iti btibon; isuda amin agpupukkawda, dumawatda iti tulong, ngem naiwaywayasda met. Ti apoy naramramnan dagiti dadduma a silsiled ket agpangato a tumukno sadi langit ti agal-allikubong nga asok. Amin ti uneg ti balay mauramen, ti angin a napapudot, pumigsa; dadduma kadagiti taga taitalon nga
adda iti adayo, umarayatda, ngem, no dumtengda, awan met sabali a mabalinda nga aramiden, no di mangbuya iti daydi nakaam-amak a puor, ti tungpal daydi daan a balay, nabaybayag a di naan-ano dagiti salsal-it ken bagbagyo.
