—Nanipod idi sincrrek ni Balat ti ili, awan pay nakitak a rabii a kastoy, —insungbat ni ermana Pute.
—¡Nagado a paltugen! Kunada a dagiti kan tattao ni lakay Pablo.
—¿Tulisan? ¡Saan a mabalin! Kunada a dagiti kuadriliero ken dagiti guardia sibil ti nagkakabil. Iso ti gapona a nabalod ni don Filipo.
—¡Sanctus Deus kunada a bassit no sangsangapulo ket uppat laeng dagiti natnatay.
Sabsabali a tawtawa ti naglukat, ket nadumaduma a ruprupa dagiti nagtamdag, nagkikinnabla-awda, sada pagsasaritaan ti naaramid.
Iti lawag ti aldaw a mailasinen a nasayaat unay, makita iti adayo dagiti sosoldado nga agapan apan, a di agsusurot, kas da an-anniniwan a nakudrep.
—¡Addaydiay man maysa a natayen!—kinuna ti maysa manipod iti maysa a tawa.
—¿Maysa? Duada dagiti makitak.
—¿Ket siak . . . ngem diyo ammo ala no ania? —sinaludsod ti maysa a tao a narabak ti rupana.
—¡Ni! dagiti kuadriliero.
—¡Saan, apo; immalsada idiay kuartel!
—¿Ania nga immalsada? ¡Ti kura ken ti alperes nagkabilda!
—Awan dagita.—kinuna daydi nagsaludsod a immuna;—da giti in-i.nsik isuda ti immalsa.
Ket inrikepna manen ti tawana.
—¡Dagiti in-insik!—inulitda isuda amin, a napalalo ti siddaawda.
—¡Iso ti gapona nga awan uray maysa a makita kadakuada!
—Natayda ngata amin.
—Kunakon ket nga adda irubrubuatda nga aramiden a dakes. Idi kalman . . .
—Nakitakon ket. Idi rabii . . .
—¡llala pay!—kinuna ni ermana Rufa; matayda ket aminen ita ta masangwanan ti paskua, a yaayda panagregalo... Inurayda kuma ti Baro a Tawen.
Ti lansangan mangin-inot a rumagsak; immuna dagiti as-aso,
manmanok, babbaboy kada kalkalapati a naglasat; kadagitoy a
