ti konbento, ket nagasat kct di, ta iti kaasi ti Dios, ti kura adda
idi iti balay ni Kapitan Tiago. Kunada nga aduda dagiti naka
taray. Dagiti guardia sibil pinuuranda ti balay ni don Crisostomo,
kct no dida immuna a tiniliw, pinakipupuurda pay.
—¿Pinuuranda ti balayna?
—Amin dagiti ubbingna addada a balod. ¡Kitacnyo ket makita pay la manipod ditoy ti asok!—kinuna daydi agsarsarita, nga immasidcg iti tawa; dagiti aggapo sadiay ado dagiti nakaladladingit unay a sarsaritada.
Isuda amin kumitada iti disso a naipatuldo: adda pay la bassit nga asok nga agpangpangato a siinayad sadi langit. Isuda amin adda saoda, addada naasi sangkabassit, addada saan, addada mangidarom, addada met saan.
—¡Asi paycn daydiay a bumaro! —kinuna ti maysa a lakay, ti asawa ni ermana Pute.
—¡Wen! —insungbat toy;—ngem kitaem ta idi kalman saanna a pinaimisa ti kararua daydi amana, nga awan duadua, adadda a makasapol ngem dagiti sabsabali.
—Ngem, baket, dika ma-asi. . . ?
—¿Kaaslam ti eskomulgado? Basol ti mangnga-asi kadagiti kabusor ti Dios, kuna dagiti kukura. ¿Malagipyo? ¡Idiay kamposanto kas la magmagna nga adda iti pagpupukan iti ayop!
—Wen a, ngem ti pagpupukan iti ayop ken ti kamposanto agpadpadada. —insungbat daydi lakay; —isuna la nga iti pagpu pukan, sangsangkakita dagiti ay-ayop a sumbrek . . .
—¡Ala!—inyikkis ni ermana Pute;—inka pay la isakit ti silalawag a dusaen ni Apo Dios. Kitaem no dida ka met baluden. jSurayem ti balay nga agtuang!
Ti asawana nagtalna idi kasta ti saona.
—¡Ni!—jntuloy daydi baket;—kalpasan ti inna panangkabil ken Padre Damaso, inna man ket patayenen ni Padre Salvi.
—Ngem dimo malibak a naimbag idi ubing pay.
—Wen, naimbag idi,—insungbat daydi baket;—ngem napan sadi Espania; amin dagiti mapan sadi Espania, agbalinda nga erejes; kunkuna dagiti kukura.
—¡Ojoy!—insungbat daydi lakay, a nakitana a makabales;— ket, ¿ti kura, amin dagiti kukura, ken ti Arsobispo, ken ti Papa, ken ni Apo Santa Maria Birjen, saan da kad a taga Espania?
Ni! No kasta, erejes da met? Ni!
