V
MAYSA A BITUEN ITI RABII A NASIPNGET
Ni Ibarra immuli iti siledna a pakatamdagan iti karayan, naipatugaw iti maysa a dakkel a tugaw, kinitana ti tangatang nga agparang iti sangwananna, yaman pay iti silulukat a tawa.
Ti balay iti sango, iti baliw ti karayan, nasilawan iti kasta unay raniag ket dumanon iti yanna dagiti naragsak nga aw-aweng dagiti pagtugtugtuganda a nagkuerdas ti kaaduanda. — No daydi bumaro di kuma unay nasneban iti inna panagpanpanunot, ket adadda met kuma ti gagarna a makabuya, ta kinayatna kuma a kinita, babaen ti tulong ti maysa a largabista, dagiti maar-aramid iti yuyeng daydi a lawag, inna kuma nagsiddaawan ti maysa kadagiti ar-arapaap a ingget libnos, maysa kadagiti datdatlag a paspasaray a maipabuya kadagiti dadakkel a pagbuybuyaan sadi Europa, no davtay iti apagapaman nga aweng ti orkesta, inda makita nga agparang iti let-ang ti kasla tumudo a lawag ken kas la agay-ayos a diamante ken balitok, a nakawesan iti nagpaiduma iti sayaat, kas kadawyan. Sadi Daya; naabbungan iti narasay a lupot, ti maysa a namugnaan a babai, a nalibnos unay, magna nga istay dina mapayat ti basar, linawlaw ket binungon ti kasta unay ra niag a lawag: iti sakiangna agtaod dagiti sabsabong, rumagsak ti sala, mariing dagiti naimnas nga aw-aweng; ket dagiti pinangenpangen a sairo, baddi, di-katata-wan, kaibaan, zagalas, anjeles ken pastores inda agsasala, inda pagkutikutien a pagunien dagiti pandereta da, inda aglaw-lalawlaw ket tunggal maysa inda mangirukbab iti daton kadagiti dapdapan ti diosa. Ni Ibarra inna kuma nakita ti maysa a balasang a nagpaiduma iti imnas ken libnos, nagaruat iti daytay nakaay-ayo unay a kawes dagiti babbai sadi Pilipinas, iti let-ang ti naggigimungan' ti amin a kita ti tao nga aggarawgaraw ken agkutikuti iti nabiag unay; sadiay addada ininsik, kakastila, pilipino, sosoldado, kukura, babbaket, babbalasang, kdmpy. Ni Padre Damaso adda iti arpad daydi libnos; ni Padre Damaso umis-isem a kas la sigagasat unay; ni Fr. Sibyla, ni met -32-
