bado ken ti kalsón, nakitana a napunnuda iti tapok ket kappipigisda kadagiti sumagmamano a paspasetda; ngem ti nangruna
a dinillawna iso dagiti purpuriket a dimket inggana pay iti tengnged ti badona.
—¿Ania ti kitkitaem? —sinaludsod kenkuana ti direktorsilio.
—Kitkitaek man, apo, no mabalinko a mabigbig,—kinunana a kas la nanglugay, nalawlawag a pannao, inyadaddana nga inbaba ti kallugongna.
—¿Ngem dika nangngeg nga agnagan kan iti Lucas? Matmaturugka?
Isuda amin nagkatawada. Daydi taga talon, a nabainan, tim manamitin iti mano a saó, ket timmalaw a sidudumog, nainayad ti pagnana.
—¡Oy! ¿adinno ti papanan yo? —inpukkaw daydi lakay;— saan a dita ti ruaran; ¡dayta agturong iti balay ti natay!
—¡Matmaturog pay laeng dayta a tao!—kinuna ti direktorsilio, a nagangaw;—masapoi sa ket di a bukbukan iti danom.
Dagiti sisasaklang nagkatawada manen.
Daydi taga talon pimmanaw iti daydi a disso, a naglakamanna iti dakes a nakapayan, ket nagturong iti simbaán. Iti sakristía sinaludsudna ti sakristan mayor
—Matmaturog pay laeng! —insungbatda a sigugubal; —¿diyo amno nga inarangda ti konbento idi rabii?
—Urayek ngad a makariing.
Kinita dagiti sakristan a sigugubal, kas kadawyan dagiti tattao a naruam a mapagsasawán.
Iti maysa a suli, a nasipnget, iso ti yan a matmaturog daydi busá, iti maysa a tugaw nga atiddag. Ti antiukosna adda iti mugingna, iti babaet dagiti atitiddag a bubuokna; ti barukong na, a nakatultulang ken nakakutkuttong agpaparang ket ngumato ken bumaba nga agpapada ti garawna.
Daydi taga talon nagtugaw iti asidegna, a sidadaán a manguray a sia-anos kenkuana, ngem nakatnag iti kuarta ket inna sapulen, a nagsilaw iti maysa a kandela, iti sirok ti tugaw a nagiddaán ti sakristan mayor. Daydi taga talon nadlawna met nga adda puriket iti kalson ken iti ima ti bado ti matmaturog, iso a nakariing idi agangayen, linidlidna ti matana a sipipia, ket inna nagsasawan daydi tao, ta makapungtot la unay.
