This page has been validated.
—Kayatko kuma ti mangted iti misa, apo!—insungbat daydi taga talon, a kasna pagdawat iti pakawan.
—Nalpas amin a misan, —kinuna, idi kasta, daydi busá, ket inna pinasam-it bassit ti timekna; —no kayatmo a maitungpal no bigat. maipaay kadagiti karkararua sadi Purgatorio?
—Saan, apo,—insungbat daydi taga talon, ket nangyawat iti maysa a pisos.
Sana kinita iti kakaisuna a matana, ket inna innayon: —Maipaay iti maysa a tao a nganngani matay.
Ket pinanawanna ti sakristía.
—¡Natiliwko kuma man idi rabii!—kinunana nga immasóg idi madamana nga ik-ikkaten ti baredbed ti tengngedna ken
ilinlinteg ti bagina a pinasublina ti rupa ken takder ni Elías.
