Iti nganngani maikasiam a uras, dimteng ti kura, a sibebessag ken simumurareg.
¡Saan kay gayam a pinaur-uray! —kinuna kenkuana ti alperes. Kaykayatko kuma ti saan a immay, —insungbat ni Padre Salvi, a timekna ti nainayad, dina ket intaltalek daydi napait a timek; —managkigkigtutak unay.
—Gapo ta awan immay, ta dida matalawan dagiti ayan da, kinunak a ti kaaddayo... Ammuyon intono malem iso ti luasda.
—¿Ni bumaro nga Ibarra ken ti teniente mayor . . .?
Ti alperes intuduna ti pagbaludan.
—Walo da dagiti adda dita,-kinunana;—daytay Bruno natay itay tengnga ti rabii, ngem ti palawagna naisuraten.
Ti kura kinabla-awanna ni dunia Consolación, iso a simmungbat iti maysa a suya-ab ken maysa nga jaa!, ket nagtugaw iti dakkel a tugaw nga adda iti babaen ti ladawan ti Ari.
—¡Mabalintay a rugyanen!—kinunana.
—!Alaenyo dagitay dua a naipangaw!—inbilin ti alperes, a timekna ti inkagumaánna a pinagbalin a nakabutbuteng inggana iti nabalin, sana tinaliaw ti kura ket kinunana a simmabali ti timekna:
—¡Naikabil dagiti saksakada iti pangaw (cepo) ket dua ti linabsanda nga ab-abot!
Kadagiti saan a makaámmo iti daytoy a kita ti pagdusa, kunami a ti pangaw (sepo) iso ti maysa kadagiti kaiímbagan. Dagiti ab-abót a pakaikabilan dagiti saksaka dagiti mabalod aggaáddayuda iti sumurok, kumurang a sangadangan; no dua nga ab-abot dagiti malabasan, ti balod maipapilit a marigatan iti panagyanna, agsakit iti naipadpaduma dagiti palaypalayna, sa nakakayang iti nasurok. a sangagpa dagiti saksakana; saan a makapatay a dagos, kas mabalin a pagarupen.
Ti agbantay kadagiti balbalód, a sinaruno ti uppat a sosoldado, inikkatna ti balunet ket linukatanna ti ruangan.Maysa nga angot a makarurusok ken maysa nga angin a nabantot ken nabneg ti nagruar iti daydi napalaós nagsipnget a yan, ket adda met nangngeg a sennaáy ken anug-óg. Maysa a soldado a nangikur-it iti aysa a bagas ti gurabis, ngem ti apoyna dagos a naiddep
