Ti alperes kinitana ti sarjento a nasdaáwan.
—Addada sadiay iti maysa a derraás; sadiay ti inkam kada- kuada nangitapuakan idi kalman, sadiay to a maderder. Ita, pa- tayendakon; awanto ti sabali a maammuanyon.
Nagulimek ket nasdaawanda amin.
—Ibagam no asinno da dagiti dadduma a kakaduayo, —in- yames ti alperes ket inwasawasna ti pagbaot a way.
Maysa nga isem a nalais ti rimuar kadagiti bibbibig ti balod.
Ti alperes nakisao iti kura iti nainayad; sana tinaliaw dagiti sosoldado, ket inbilinna:
—¡panyo iti yan dagiti bangbangkay!
Iti maysa a suli ti patio iti rabaw ti maysa a daán a karison, addada lima a bangbangkay a nabunton, naarpawanda sang- kabassit iti ikamen a rutrot, a napunno iti rugit. Maysa a soldado ti agpagnapagna iti murdong ken murdong a no manen tumu- pra. —Am-amom ida? —sinaludsud ti alperes, ket inngatuna ti ikamen.
Ni Társilo saan a simmungbat; nakitana ti bangkay ti asa- wa daydi agmauyong, ken dua pay, ti bangkay ti kabsatna, a napunno iti sugat a gapuanan ti bayoneta ken ti bangkay ni Lucas a sitatali pay la ti tengngedna. Ti panagkitana limmi- day ket maysa nga asog ti kasla rimuar iti barukongna.
—¿Am-ammom ida? —sinublianda a sinaludsud.
Ni Társilo saan a naguni.
Maysa a waneswes ti nangngeg ket ti pagbaót nagdisso iti bukutna. Nagpigerger, nagkiet. Naulit dagiti baót, ngem ni Tár- silo saan a nagkuti.
¡Saplitenyo inggana iti matay wenno agsao! —inyikkis ti al- peres a kasta unay a pungtotna.
—¡Agsaukan! —kinuna ti direktorsilio; —uray ania ti ku- kuem, patayendakanto met laeng.
Insublida nga inpan iti salas, iso a yan daydi sabali a balód a umaw-awag kadagiti amin a sasanto, agpanpannirpir dagiti ngip- ngipenna ket uray la a maiparparintumeng.
—¿Am-ammom daytay? —sinaludsud ni Padre Salví.
—¡Ita ti umuna a pannakakitak kenkuana! —insungbat ni Társilo, ket kinitana a si-a-ási daydi maysa.
Ti alperes sinulungna, sana kinugtaran.
