uray ania ti kukuem, bitayendakanto met laeng; naim-imbag ta
matayka a di unay maparigatan.
Inton rumuarka ditoy, mataykanton, —kinuna kenkuana ti maysa a kuadriliero.
Inik katda ti naiselsel iti ngiwatna ket inbitinda dagiti saksakana. Rebbengna a mayuná ti ulona a maibaba ken maitaneb iti uneg ti danom iti mabayag bassit, a kas ti aramiden iti tawing, isuna la a ti tao mabaybayag bassit ti nakairarebanna.
Ti alperes immadayo, ta napan nagsapol iti maysa a relos a pagurasanna kadagiti kanito.
Ket idi, adda ni Társílo a sibibitin; dagiti atitiddag a bubuokna ipalpalais ti angin, dagiti matmatana sikikidemda iti apagapaman.
—No kristiano kayo, no adda pusoyo, —indawatna iti nainayad, —darasendak a ibaba, wenno idungparyo ti ulok iti kabiti, ta matayak kadin. Gunggunaanto ti Apo dayta nga aramidyo a naimbag . . . ¡nalabit, addanto aldaw a pannakaipadayo kaniak!
Nagsubli ti alperes ket inbilinna a si-iggem iti pagurasan ti pannakaibaba ni Társilo.
—¡Inayadenyo, —inayadenyo! —inpukkaw ni dunia Consolación a sursuruten dagiti matmatana daydi daksanggasat;— ¡annadanyo!
Ti pagtawing siinayad a bumabbaba; ni Társilo maisalatsalat kadagiti agruruar a batbato ken kadagiti narugit a mulmula a nagtubo it baet dagiti batbato. Idi kuan, saanen a nagkuti ti pagtawing; ti alperes bilbilangenna dagiti kanito.
—¡Ingatuyo! —inbilinna a simamaga, kalpasan ti maysa a gudua ti minuto.
Ti kumliing ken nakaim-imas a uni dagiti tedtedted ti danom nga agtinnag iso ti nangipakdaar iti inna manen pannakakita ti balod iti lawag. Ita, gapo ta nadagdagsen ti timbang ti pagtawing, naparpardas ti inga-ngatona. Dagiti batbato ken ti darát ken ti apog a maik-ikkat iti kabiti, agtinnagda a kasta unay a pigsa ti uni a pataudenda.
Ni Társilo, a sipupunno iti nakarugrugit a pitak ti muging ken dagiti bubuokna, napunno ti rupana kadagiti sugsugat ken
gargaradgad, nabasa ti bagina ket agtedted. nagparang manen
