laeng Fr. Sibyla, a di ket sabali, makisasao kenkuana; ket ni
dunia Victorina tartarimaanenna iti ingget libnos a buok ti balasang ti kasta unay a perlas ken briliante a mangipakita kadagiti
amin nga agkakataraki a buybuya. Iso, napudaw, napalalo nagpudaw, nalabit; dagiti matmatana, a nganngani kanayon a ikitkitana iti baba, ipamatmatda ti maysa a kararua a nakatartarnaw
no inna ida itangad ket no umisem ket ipakitana dagiti napudaw
ken babassit a ngipngipenna, nalabit makuna a ti sabong, maysa
laeng a mula, ket ti marpil, maysa laeng a saong ti elepante. Iti
arinaga ti agan-anninaw a lupot a pinia ken iti lawlaw ti napudaw
ken nagbukbukel a tengngedna, kumiraykiray, kas kuna dagiti
tatagalog, dagiti naragsak a matmata ti maysa nga ukkor a bri
liante. Maymavsa laeng a lalaki ti ‘kasla di mangrikna iti daydi
a raniag, no mabalin a kuna; iso ti maysa nga agkabanuag a pransiskano, nakuttong, nakapsot, nabessag, a mangkitkita iti daydi babai manipod iti adayo, a di man la agkuti, kas la maysa a ladawan,
ngangani di pay umanges.
Ngem ni Ibarra awan makitana kadagitoy: dagiti matmata na sabali ti makitada. Uppat a diddiding silalamulamo ken narugit a nanglawlaw iti maysa a yan a bassit iti maysa kadagidi a diddiding, iti ngato, adda rejas; iti rabaw ti narugit ken nakarimrimen a datar, adda ikamen, ket iti rabaw ti ikamen, adda maysa a lakay nga agbugbugsot: daydi lakay a marigatan a umanges, iturungna iti amin a di mangan-ano dagiti matmatana ket balbaliksenna nga agsangsangit ti maysa a nagan: daydi lakay, maymaysa; pasaray adda mangngeg a killi-ing ti kawar wenno asog iti labes ti diding . . . ket, sa idiay, iti adayo, iti maysa a naragsak a pagdadaya-an, nganngani nalabes unay, maysa a bumaro adda nga agkatkatawa, agik-ikkis, ibukbukbukna ti arak kadagiti sabsabong a sipsipatan ken katkatawaan iti napalalo dagiti kakaduana. Ket, daydi lakay, kalanglanga daydi ama na, daydi bumaro umadadas kenkuana, ket ti nagan a balbaliksen nga agsangsangit daydi lakay, di ket sabali no di ti naganna! Toy iso ti makitkita daydi awanan gasat iti sangwananna. Naiddeoen dagiti silsilaw iti balay iti sango, nagsardengen ti musika ken ti ringgor, ngem ni Ibarra mangngegna pay laeng ti nakaay-ay-ay a ikkis daydi amana, a sapsapulenna ti anakna iti maudi unay a kanito ti panagbiagna. — 33 —
