—Dayta, ti gapo ti kaáddam iti rabii iti patio ti kuartel.
- —¡A, apo! kinuna ni Andong a nagbain bassit.
- —¿ Asinno, ngad, ti akinbasol iti dayta?
- —Ni katugangak a babai, apo!
Katawa ken siddaáw ti simmaruno kadagitoy a sasaó. Ti al- peres nagsardeng ket kinitana iti saan a naiget a ikikita daydi daksanggasat, iso a gapo ta inpagarupna a nasayaát ti binanag dagiti sasaona, intuluyna nga adadda a timmured:
—Wen, apo; ni katugangak a babai awan itedna a kanek no di bin-ig a nabangles ken di mabalin a lamuten; idi rabii, idi immayak, nagsakit ti buksitko, nakitak ti patio iti kuartel nga asideg. ket kinunak; rabii, awanto ti makakita kenka. Simb- rekak. . ket idi timmakderak, naguni met ti ado a paltugen; isigsiglutko idi ti kordon ti sapinko.
Maysa a baót ti nangguped iti saona.
—Ipanyo iti pagipupukan!— inbilin ti alperes; —¡inton
malem. maituludda idiay kabesera!
