Nabiit a nagsaknap iti ili ti damag a pannakaipanaw dagiti balbalod: idi damona, nakigtot dagiti nakangngeg, idi kuan, im mayen dagiti sangsangit kada sensennaáy.
Dagiti kabbalay dagiti balbalod agtatarayda a kasda la agmauyong mapanda iti konbento, sa iti kuartel, no aggapuda ditoy, inda iti tribunal, ket gapo ta uray sadinno awan masarakanda a liwliwa, punnuenda ti tangatang kadagiti ik-ikkis ken un-unnoy. Ti kura saanna a kinayat ti rimuar iti siledna ta masakit; ti alperes ninayunanna ti bilang dagiti guardiana, isuda a mangkulata kadagiti babbai nga umar-araraw; ti gobernadorsillo, parsua nga awan pagpapaayanna, kasla itay adadda nga immang. ang ken adadda pay nga awan pagpapaáyanna. Iti sango ti pagbaludan, agtatarayda nga agapan-apan iti murdong ken murdong, dagiti babbai a makapigsa pay la piman; dagiti saanen, agtugawda iti daga, nga inda aw-awagan dagiti nagnagan dagiti ay-ayatenda.
Ti init napalalo a pudotna, ngem awan man la ti uray maysa kadagiti daksanggasatan a babbai ti makalagip nga agawid. Ni Doray, ti naragsak ken nagasat nga asawa ni don Filipo, agpagnapagna a sipapardas, ububbaenna daydi bassit pay la unay nga anak na: isuda a dua agsangsangit da piman.
—Agawidkayon. —kunkunada kenkuana. —into ket no aggurigor ta anakyo.
—¿Ania pay la ti pagbibianganna no awan met amanan a mangisuro kenkuana? —insungbat daydi saan a maliwliwaán a babai.
¡Ni asawayo awan basolna; nalabit nga agsubli!
—¡Wen, inton nalpaskam a natayen!
Ni Kapitana Tinay agsangit ket aw-awaganna ni anakna
nga Antonio; ni napigsa ti panagnaknakemna a Kapitana María
