kumitkita iti yan ti bassit a rejas, a iti likudanna iso ti yan dagidi dua a singinna, dagidi kakaisuna nga annakna.
Adda met sadiay ti katugangan daydi agbunbunot iti niog; iso saan nga agsangit, agpagnapagna, iwaswasawasna dagiti taktakiagna a sililislis ti badona, ket inna pagsasawán dagiti tattao.
—¿Adda nakitayo a kastan? Binaludda ni Andongko, inda pinaltugan, inda inkabil iti pangaw (sepo), sada inpan idiay kabesera gapo la ta . . . gapo la ta baro ti kalsonna? ¡Ti kasta nga aramid umawag iti ibabales! ¡Dagiti Guardia Sibil aglabes- da! Isapatak a no adda pay la makitak a mapan umigid kadakuada iti uncg ti inaladak, kas masansansan nga aramidda, ¡tagbatek, tagbatek! wenno saan ... ¡siak ti tagbatenda ! ! !
Ngem manmano ti mangayon iti daydi baket a kasla Moro a naunget.
—Amin toy, awan sabali nga akinbasol no di ni don Crisóstomo,— inyasog ti maysa a babai.
Ti mangisursuro adda met a nailaok kadagiti tattao, ni Nior Juan saanna a pagrisrisirisenen dagiti im-imana, awan met a igiggamanna ti plomada ken ti metrona; daydi tao nagaruaten iti nangisit, ta nakangngeg iti dakes a damag, ket gapo ta surutenna ti awidna a mangipagarop a ti kasakbayan nalpas a naaramiden ni Ibarra.
Iti maika dua ti uras iti malem, maysa a karison nga awan balawbawna a ginuyod ti dua a baka, ti nagsardeng iti sango ti tribunal.
Daydi karison linawlaw ti ado a tattaó, ta kayatda nga alsaán ken lasanglasangen.
—Diyo ar-aramiden ti kasta, —kinuna ni Kapitana María;— ¿kayatyo a magmagnada?
Daydi, iso ti namagtukeng kadagiti tattao. Dua pulo a sosoldado ti rimuar ket linawlawda ti karison. Rimuar dagiti balbalod.
Immuna ni don Filipo, sirereppet; linugayanna a siisem ni asawana; ni Doray nagsangit iti napait, ket nagrigat dagiti sosoldado a nangipawil iti inna panangarakop ken asawana. Ni Antonio, ti anak ni Kapitana Tinay, rimuar nga agsangsangit, a
kas la maysa nga ubing, iso a nangnayon man la ngaruden iti ikkis dagiti kakabagyanna. Ni nakakaasi nga Andóng nagsangit
