ni Albino, ket idi saan a nakateppelen, nangala iti bato, ket
inna inbakal kenkuana.
Ti kasdi tinulad dagiti tattao iti nabiit, ket nagtinnag iti daydi daksanggasat a bumaro ti tumudo a tapok ken bato.
Ni Ibarra inturedna a si-aános, saan a nagkir-ing, saan nagpungtot, saan a immasog, daydi nalinteg a ibabales dagiti nagado a puspuso a nadangran. Daydi, iso man ti pammakada nga ipaáy kenkuana ti ili a nakaitallimengan dagiti amin nga ay-ayatna. Intamedna ti ulona; nalabit, inna makitkita ti maysa a lalaki, a naisursor a nasapsaplit kadagiti lanlansangan sadi Manila, nalabit, inna makitkita ti maysa a baket a natuang a natay idi inna nasirpat ti ulo daydi anakna; nalabit, ti biag ni Elías iso ti maukrad iti sango dagiti matmatana.
Ti alperes inpagarupna a masapol a paádaywen dagiti tattao, ngem dagiti batbato ken pammagsasaó saanda a simmardeng. Maymaysa laeng a ina ti saan a nangibales kenkuana iti ladingitna: iso ni Kapitana María. Nakamayeng, si-em-em dagiti bibbibigna; dagiti matmatana namsekda iti siuulimek a lua, kitkitaenna ti yaádayo dagidi dua nga annakna; no inna makita piman ti panagmayengna ken ti umel a ladingitna, makuna a ni Nicbe saan a sarsarita a putputar.
Nakaádayudan.
Kadagiti tattao a sitatamdag kadagiti manmano a tawtawa a silulukat, dagiti laeng kakaisuna a nangipakita iti asida iti daydi bumaro, isuda dagiti saan a mangikankano wenno dagiti nausisa. Amin dagidi gagayyemna naglemmengda, wen, pati pay ni Kapitan Basilio, iso a nangiparit nga agsangit ni anakna a Sináng.
Ni Ibarra nakitana dagidi umas-asok a dapdapo ti balayna, ti balay dagiti nagan-annak kenkuana, daydi balay a nakayanakanna, daydi balay a nakaitallimengan dagiti kasasam-itan a laglagip ti kinaubing ken kinabanuagna; dagiti luluana, a nabayag, a inna tiniptiped, limbuakda kadagiti matmatana. intamedna ti ulona, ket nagsangit, nga awan man pay 2 liwliwana ti pannakabalinna kuma a mangilemmeng iti sangitna, piman ta sirereppet met, wenno uray la kuman ti isesennek iti sabali ti ladingitna. ¡lta, awananen iti Daga a nakayanakan. awananen iti balay, awananen iti ayat, awananen iti pagayam,
awananen iti kasakbayan!
