This page has been validated.
Iti pantok ti maysa a turod, adda maysa a lalaki a mangsipsipot iti daydi nakalidliday a pangen. Maysa a lakay, sibebessag, nakakutkuttong, nakakagay iti ules a lana, nagsadag a sibabannog iti sarukodna. Iso daydi ni lakay a pilósopo Tasio, nga idi nadamagna ti naaramid, kinayatna ti bimmangon ket napan, ngem dagiti pigpigsana dida inpalubos a makadanon iti tribunal. Daydi lakay insurutna dagiti matmatana iti daydi karison inggana iti nagpukaw iti adayo: nabayag bassit a nagmayeng a sipapanunot ken sidudumog; idi kuan, timmakder a kasta unay rigatna, ket nagsubli iti balayna, nga umininana iti sagtunggal addáng.
Iti sumuno a bigat, dagiti agpapaárab nasarakanda a natay
iti ridaw met laeng ti waywayas a balayna.
