Ti ulimek inpug-awnan ti sang-awna sadi Manila, ket amin
dagiti nabiag sadiay kas la addadan a matmaturog kadagiti taktakiag ti awan; mangmangngcgen dagiti tartaraok dagiti kawkawitan a makisinsinnublat iti uni dagiti relrelos dagiti pagkamkampanaan ken iti pay met naliday a pukkaw ti masursuron a
bantay dagiti sosoldado; ti bulan nga agtaging nangrugin a timmamdag; kas la itay agin-inana amin a taon, wen, ni pay Ibarra
matmaturog mettcn, ta nabannugan ngata kadagiti nakaladladingit a panpanunotna wenno iti inna panaglayag.
Ngem daydi agkabanuag a pransiskano, nga itay laeng nga intay nakita a di agkutkuti ken siuulimek iti let-ang ti kasta unay a
ragsak ti kadaklan (salas), saan a matmaturog; siririing. Dagiti
siksikona addada a naiparabaw iti barikes ti tawa ti siledna, ti
nabessag ken nakuttong a rupana adda a sisasadag iti dakulapna, kitkitaenna a siuulimek iti adayo ti maysa a bituen a rumanraniag iti nasipnget a langit. Ti bituen kimmapoy ket nagpukawen ti raniagna, ti bulan nga agtaging sadi Daya napukawnan ti nakapoy a lawagna, ngem daydi praile saan a nagkuti
iti yanna: kumitkita iti adayo a tangatang a kas la ilemmeng
ti alibuyong ti agsapa, idiay tanap ti Bagumbayan, idiay taaw a
matmaturog pay laeng.
-34-
