ammuna ti annóngna; kas nangngegko, makapungtot unay, ta
inna kan pay pinaglablabon iti ayat ni dayta Ibarra.
—¡Pinaglablabón iti ayat! —inulit daydi nakuttong, a nagpaypay a sipupungtot; —¡kitaenyoman ti kinaulpit dagiti indio! ¿Mabalin kad ngamin ida nga ibilang a kas taó? ¡Jesus!
—Ket ammuyo ti nangngegko? -sinaludsod ti maysa a soldado.
—Ala man! ¿Ania dayta? ¿Ania ti kunada?
—Dagiti tattao a patpatien, —kinuna daydi soldado iti letang ti nagpaiduma nga ulimek,— ipapatida nga amin daydi nasasao a panagpatakderna iti maysa a pagadalan, sarsarita gallit laeng.
—¡Jesús! Nakitayon? —kinuna dagiti babbai a namatın iti sarita.
—Daydi kunada a pagadalan, maysa la a pambar; ti kayata patakderen, maysa a "fuerte" mabalinda a pagsadirian no inkam ida gubaten.
—¡Jesús! ¡ania a kinadakesen! Dagiti la indio ti makabalin na a makapanunot kadagita ingget takrot a panpanagem, —kinuna daydi nalukmeg. —No siak kuma ti Kapitan Jeneral, kitaenda kuma. . . kitaenda kuma . . .
—Kasta met ti kunak!— innayon daydi nakuttong a tinaliawna daydi singkol.—paibaludko kuma amin nga abogadilio, klerigilio, agtagtagilako, ket paibellengko ida wenno paipanaw. ko ida bajo partida de registro a daytay sin formación de cáusa! ¡Ti dakes masapol a gabuten amin a ramotna!
—Ket kunada a ni daytay pilibusterilio, anak kan ti kastila! —kinuna daydi singkol nga awan ti inna kinita.
—¡A! ¡wen aya! —kinuna manen daydi nalukmeg a di mabalusingsing, ¡kanayon a dagiti laeng memestiso! ¡awan indio a makaawat iti rebolusión! ¡Agtarakenka iti wak... agtarakenka iti wak! . .
—Ammuyo ti nangngegko a masasaó? —sinaludsod ti maysa a mestisa a kasdi ti pinanggupedna kadagiti sarsarita.
Ti asawa ni Kapitan Tinóng. . . malagipyo? ti akinbalay iti daydi intay nagsasalaán ken nangrabiyan idi piesta sadi Tondo.
