—¿Daytay adda dua nga annakna a babbalasang? ¿ket, ania?
—¡Ti asawana napanna inikkan itay malem ti Kapitan Jeneral iti maysa a singsing nga agpateg iti sangaribo a pisos! Daydi singkoi timmaliaw.
—iAgpayso? dket apay? —sinaludsudna, a nakasilsilap dagiti matmatana.
—Ti babai kinunana nga aginaldo iti Pascua.
—Saan pay nga agpaskua iti uneg ti makabulan!
—Mabutcng ngata a madalapos ti napigsa a tudo . . . —kinuna daydi nalukmeg.
Ket mapan agsalinong, —innayon daydi nakuttong.
—¡Ti panagpakawan a di masapol, panangipudno iti basol!
—Iso dayta ti kunak; intudukmo ti tammudom iti sugat.
—Masapol a kitaen a nalaing dayta, —kinuna a sipapanunot daydi singkoi;—mabutengak nga adda pusa a naipukok iti dayta.
—¡Pusa a naipukok, wen, dayta! iso kuma dayta ti sawek itay. —inulit daydi nakuttong.
—Uray siak, —kinuna met ti maysa, a sinublatna ti nagsao; —ti asawa ni Kapitan Tindng, naimot unay . . . inggana ita, dina tay pay rinegaluan idinto ta nagyantay idiay balayda. No ti maysa a naimot ken naagom mangiregalo iti pateg ti sangaribo a pisos . . .
—¿Ngem, agpayso dayta? —sinaludsod daydi singkoi.
Wen! ipudno unay! inbaga ken kasinsinko ti nobiona, nga ayudante ti Kapitan Jeneral... Ket ngannganik atapen a iso daydi pinagsingsing daytay inauna idi aldaw ti piesta. ¡Kanayon la a sipupunno iti briliante!
—!Maysa a magmagna a pagidayaan kadagiti laklako!
—¡Maysa a pamayan tapno maiwarnak dagiti laklako a kas kadagiti daddutna a pampamayan! Iti kasta, saan a masapulen ti gumatang iti pagidayaan wenno mangupa iti paglakuan. ..
Daydi singkoi nagpambar ket pinanawanna ti tallaong.
Ket kalpasan ti dua nga uras, idi ta matmaturog amin da-
