filibustero. Que te ijo a ti, primo, el General? Que le haz
icho, que noticiaz le izte e Ibarra?4
Ket gapo ta makitana a ti kasinsinna mabayag a sumungbat, intuluyna ti nagsao, nga inturungna ti saona ken Kapitan Tiago.
—Creame uzte, zi le conenan a muelte, como ez e ezperar, zerá por mi primo.5
—Seniora, seniora!—inriri ni Linares.
Ngem iso dina inikkan iti kanitona.
—Ay que iplomático te haz güerto. Zabemoz que erez el conzejero dei General, que no puce vivir zin ti . Ah! Clarita, que placer e verte!6
Ni María Clara nagparang a sibebessag pay laeng, nupay napipian ti inungaranna iti sakitna. Ti atiddag a buokna nasiglutan iti singdan a seda a bumalbag bassit. Nagkabla-aw a sia-álika ka, nga immisem iti naliday, ket immasideg ken dunia Victorina a napan immagep kas kadawyan.
Kalpasan dagiti kadawyan a sarsarita, intuloy daydi sinanandaluza:
Venimoz a vizitaroz: oz habeiz zalvao graciaz a vueztraz relacionez7— ket kinitana ni Linares a kasla adda kayat a sawen ti ikikitana.
—Ni Apo Mugna ti nangikaluya ken ama!—insungbat ti balasang iti nainayad.
—Zi. Clarita, pero el tiempo e loz milagroz ya ha pazao: nozotroz loz ezpañolez ecimoz; ezconfia e la Virjen y echate a corre.8
—Ba .. ba... liktad!
Ni Kapitan Tiago nga inggana idi saan pay a nakakanito a simmaó, inturturedna ti nagsaludsod, ket kasta unay a panangipasnekna nga immuray iti sungbatna:
—No kasta, dunia Victorina, patienyo a ti Birjen ..
_________________
4 Wen; ni dayta kaikarianna unay; kunakon idi immuna a pannakakitak kenkuana ni daytoy, maysa a pilibustero. Ania ti sao kenka ti Jeneral, kasinsin? Ania ti inbagam kenkuana? ¿Ania ti damag a inbagam kenkuana maipanggep ken Ibarra?
5 Patiendak, no inda bitayen. a kas inanamaen, maigapo ken kasinsin.
6 Ay, ania ket ti kinadiplomatikom nga agpasyon: Ammuni a sika ti mamalbalakad iti Jeneral, ammuni a saan nga agbiag no awán ka . . . A! Clarita, ania a ragsak ti makakita kenkan!
7 Umaydakay sarungkaran; naispalkayo yaman pay kadagiti gagayyem yo!
8 Wen, Clarita, ngem dagiti al-aldaw dagiti milmilagro limmabasdan; dakam a kakastila kunami: dika agtalalek iti Birhon ket tumarayka.
