taltallo nga aksawen ti bactda iti balsang, nagsardeng. Ni María
Clara simmanod.
—¡Crisóstomo-indayamudumna, a sipupunno iti kigtot.
—¡Wen, siak ni Crisóstomo!—insungbat daydi bumaro, a timekna ti nadeggang:—maysa a kabusor, maysa a tao, nga adda panggapuanna a manggura kaniak, ni Elías, iso ti nangilusot kaniak iti pagbaludan a nangipurwakan kaniak dagiti gagayyemko. Kadagitoy a sasao simmaruno ti ulimek a nakaladladingit; ni María Clara intamedna ti ulona ket binay-anna a nagtinnag dagiti dua nga im-imana.
Ni Ibarra intuluyna ti nagsao:
—¡Iti arpad ti bangkay daydi ina, insapatak a pagnam-ayenka, uray no ania ti gasat a kalak-amak! Nabalinmo ti nagkurang iti daydi sapatam, iso, saan piman a iso ti inam; ngem siak, siak nga anakna, napateg kaniak ti lagipna, ket iti labés dagiti rinibribo a pegpeggad, immayak ditoy a umay mangtungpal iti daydi sapatak, ket ni gasat inna ipalubos a inka makasaó. María, saan tanto a masublian ti agkitan; ubing ka pay, ket nalabit nga addanto aldaw a panangidarom kenka ti pusom . . . umayko ibaga kenka, sakbay ti ipapanawko, a pakawanenka. ¡Ita, agbiagka a sigagasat ket Dios ti agbati kenka!
Ni Ibarra kinayatna ti immadayo, ngem daydi balasang inna inggawid.
—¡Crisóstomo!—kinunana;—ni Apo Mugna inbaunnaka nga umay mangispal kaniak iti pannakapukaw ti inanamak . . . denggennak, sanakto ukumen!
Ni Ibarra kinayatna ti naglusulus kenkuana a sisasam-it.
—Saannak a immay mangsingir kenka . . . immayak a mang. ted kenka iti talna.
—Diak kayat dayta a talna nga itedmo kaniak; siakto met lacng ti mangted iti talna. Sika ket innak laisen, ket dayta pananglaismo isunto ti napait uray pay ken patay ti lak-amek!
Ni Ibarra nakitana ti kaawan inanama ken ti tuok a mangdagensen iti daydi nakaka-asi a babai, ket inna sinaludsud kenkuana no ania ti kayatna.
—¡Kayatko a patiem a kanayon a inay-ayatka!
Ni Crisostomo immisem a sipapait.
—¡A! ¡sika agduaduaka man kaniak! ¡pagduaduaám man
