toy pagayammo nanipod idi ububbingta pay, toy pagayammo
nga uray kaano man saanna nga inlemmeng kenka ti uray la
no maysa a panunotna!—kinuna iti ingget sakit daydi balasang.
—Maawatanka! Inton maammuam ti biagko, ti naliday a pakasaritaán ti biagko nga inbisikda kaniak iti bayat ti innak panagsakit, inkanto maasi kaniak ket intono mapukaw dayta isemmo
a mangted iti tuokko. ¿Apay, a dinak binay-an a natay iti
ima ti awan ammona a nangagas kaniak? !Sika ken siak nagasgasatta kuma!
Ni María Clara naginana iti apagbiit, sana intuloy:
—¡Sika kinayatmo a kasta, sika nagduaduaka kaniak, pakawanennak daydi inak! Iti maysa kadagiti natuok a rabrabii nga innak pinalabas idi masakitak, maysa a tao ti nangikissi-im kaniak iti nagan ti napaypayso nga amak, ket inna inparit kaniak ti ayatmo... ¡malaksid no ti pudno nga amak met laeng inna pakawanen ti dakes a inka kenkuana inaramid!
Ni Ibarra simmanod ket kinitana a sikikigtot ti balasang.
—Wen, —intuluyna; —daydi tao kinunana kaniak a dina mabalin a ipalubos ti panagasawata, ta ti pusona inna kenkuana iparit, ket iti kasta, mapilitto a mangiwaragawag iti palimed, ket dakkel kuma a kibor ti inna pinataód, ta ti pudno nga amak iso ni . . .
Ket inyarasaásna iti lapayag daydi bumaro ti maysa a nagan a kasta unay nagbaba ti timekna, ta ni laeng Ibarra ti nakangngeg.
—¿Ania kuma ti innak aramiden? ¿Innak kuma inpatli a gapo iti ayat ko ti lagip daydi ina, ti dayaw ti tulis nga amak, ken ti naimbag a nagan ti pudpudno nga amak? ¿Nabalinko kuma nga inaramid ti kasta a sika met laeng dinak linais?
—Ngem, 'adda pakakitaán? ¿adda pakapnekan? ¡Masapol ti pakapaekan!—kinuna ni Crisóstomo a sipipigerger.
Daydi balasang adda innalana iti barukongna a dua a sursurat.
—¡Addagitoy dua a sursurat daydi ina, dua a sursuratna idi agbabbabawin, idi madagensenan ti pusona, idi ta addaák a sikogna! Alaem, basaem ida ket makitamto nga iso, daydi ina, innak inlunod ket kinalikagumanna kinalika gumanna ti patay ko ...¡ti patay ko a
banbannog la nga inkagkagumaan ni ama babaen dagiti ado nga
