iso ti ili a kaay-ayuna unay gapo kadagiti nasayaat a pagdigdigusanna, ti agdindinamag a pallutanna ken dagiti lag’.agip a matagtaginayunna; dua a bulan ti kabiitan a panagyanna sadiay iti
makatawen.
Ni Kapitan Tiago ado dagiti balbalayna kadagiti lanlansangan a Santo Cristo, Anloague ken Rosario; Iso ken maysa nga insik laeng ti napalubusan nga aglako iti apian, ket saan a masapol a ibaga nga ado unay ti maalada. Iso ti mamakan ka dagiti balbalod sadi Bilibid, ket iso pay ti mangted iti ruot kada giti kaaduan dagiti nangruna a balbalay sadi Manila, babaen ti maysa a pagtutulagan, kas maawatan. Naimbag ti panagyanna kadagiti amin nga agturturay, nalaing, ammuna ti makikastakasta ket natured pay no maipapan iti panangpcspes kadagiti pakasapsapulan dagiti dadduma, is-iso laeng ti kakaisuna ken nakabutbuteng a kasalisal ti maysa nga agnagan Perez kadagiti arriendo ken subasta dagiti pagan-annungan ken pagsasaadan, a ti Turay sadi Pilipinas kanayon a italekna kadagiti sabsabali nga im-ima. Gapona a kadagiti al-aldaw a masarsarita, ni Kapitan Tiago, maysa a tao a nagasat, inggana iti kinagasat ti maysa a tao a bassit ti bangngabangngana kadagidiay a dagdaga: baknang, sikakappia ken Apo Mugna, iti Turay ken kadagiti pay met tattao.
A sikakappia ken Apo Mugna, saan a pagngataan, nganngani maysa a dogma, nga utang a patien ket di mabalin a supringen; awan ti panggapuan a manggura iti naimbag a Dios no nasayaat ti panagiyan ditoy daga, no di pay nakasasao kaano man, ken no di pay napautangan iti pirak. Kaano man, dina inturong ken Kuana dagiti karkararagna, uray pay kadagiti kadadaklan a pakarikrikutanna; baknang ngamin, ket ti pirakna iso ti mangilualo kenkuana: Kadagiti mismisa ken rogrogatiba, ni Apo Mugna pinarsuana dagiti mannakabalin ken napalangguad a papadi; kadagiti nobnobena ken rosrosario, ni Apo Mugna, iti di mabubos a kinaimbag Na, pinarsuana met dagiti napanglaw, iti pagimbagan dagiti babaknang, ket dagitoy a napanglaw, no maikkandan iti maysa a pisos, uray ilualuandakan iti sangapulo ket innem a misterio, ket ibasaandakan kadagiti amin a pagpagbasaan a nasantuan, uray pay ti Biblia dagiti ebreo, no nayunan -36-
