ti sipnget! diak ammo no ania ti innak aramiden; ngem ammuem
a siak maminpinsan nga agayatak, ket no awan ayat, awanto ti
siasinno a mangikot kaniak, uray kaano man. Ket sika, čania
met ti banagem?
—Maysaak la a nakalibas. . . tumalawak. Kalpasan ti sumagmamano a kanito, inton madagtaán ti panawko, María...
Ni María Clara iniggamanna ti ulo daydi bumaro ket pinetpetanna kadagiti im-imana, namin-ado nga inna inagka-agkan dagiti bibbibigna, inna inarakop, idi kuan, inkella-atna nga inyadayo kenkuana, ket.
—¡Inkan, inkan!—kinunana; —¡inkan, Dios ti kumuyog kenka! Ni Ibarra inna kinita a nakasilsileng dagiti matmatana, ngem idi inna pinatulduan, immadayo a kasla nabartek, maibasingbasing.
Linayawna manen ti kabili nga alad ket limmugan iti bángka. Ni María Clara, a nagsadag iti barikes ti bansag, inna kinitkita daydi immadayo.
Ni Elías inikkaina ti kallugongna ket nagtamed kenkuana
iti nauneg.
