nga agpitik dagiti puspuso tayo iti maymaysa a nagan, innak kad
langen, maitipon kadagiti kakailiak iti kinadaksanggasat mi a
sangapada, innak kad langen makipagsangit kadakuada gapo kadagiti tutuokmi, ket maymaysa kad langen a rigat ti mangimameg kadagiti puspusomi amin!
—No kasta, ¿apay, ngarod, a ibalakadyo kaniak a tumalawak?
—Gapo ta iti sabali a disso mabalinyo ti agbiag a sigagasat, ket siak saan, gapo ta dakayo saankay a nayanak nga agrigrigat, ket gapu ta inkayto guraen ti iliyo, inton dumteng ti aldao a panagbalinyo a daksanggasat gapo kenkuana; ket ti pananggura iti Ili a nakayanakan, iso ti kadadaklan a kinadaksanggasat.
—¡Saan kay a nalinteg kaniak!—kinuna ni Ibarra a sipapait; —malipatanyo nga apaman la ta nakadatengak ditoy ilik, inpaáyko ti bagik a nangsapol iti pagimbaganna...
—Dikay kuma malukluksaw, apo, saan kay a babalawen: ngamin kuma no amin dagiti tattao mabalindakay a matulad! Ngem siak saan kay a dawaten iti di mabalin, ket saan kay kuma a malukluksaw no kunak a dayta pusoyo innakay allilawen. Inayatyo ti Iliyo, ta kasta ti insuro kadakayo daydi nagan-annak kadakayo; inayatyo, ta iti sidongna iso ti yan ti ayatyo, iso ti yan dagiti kukkukuayo, iso ti naglabasan ti kinaubingyo, amin nga adda is-ismandakayo, ti Iliyo awan inaramidna kadakay a killo; inayatyo a kas panangayat iti amin a mamagasat kadatayo. Ngem inton napanglawkayon, mabisbisinan, makamkamat, ken idarom, ilako dagiti kakailianyo met laeng, itinto dayta nga aldaw, inkayto paglikudan ti bagiyo, ti Iliyo a nakayanakanyo. amin a tattao.
—Dangrandak dagiti sasaoyo,—kinuna ni Ibarra, a nakaluksaw.
Ni Elías intamedna ti ulona, nagpanunot ket simmungbat:
—Kayatko a pukawen ti inkay pannakaállilaw, apo, ken iliklik iti maysa a naladingit a kasakbayan. Lagipenyo daydi innak kadakayo pannakisarita iti daytoy met la a bangka ken iti lawag daytoy met la a bulan, makabulan itan, sumurok wenno kumurang; idi sigagasatkayo. Ti dawat dagiti awanan gasat saan idi a simnek kadakayo; diyo intaltalek dagiti as-asogda, ta asog id
dagiti agdadakes a tattao; adadda a dinengngegyo dagiti kabusorda, ket numan pay kasano a sasao ken dawdawatko, nagyankay iti abay dagiti mangimammameg kadakuada, ket dakay
