—¡Ado nga al-aldaw a naragsak ken nagasat ti innak pinalpalabas dita! —inyasog ni Elías. —Idi agad-adalkami, binulan a
umaykam idi... iso di kas laák met kadagiti dadduma: adda
kukuak, adda balayko, dardarepdepek idi ket parparmataek ti
maysa a kasakbayan. Kadagidi nga al-aldaw a innak met sarsarungkaran daydi kabsatko iti dayta asideg a kolejio; ikikkannak
idi iti aramid dagiti im-imana ... adda idi kumuykuyog kenkuana a maysa a pagayamna, maysa a nalibnos a balasang. Amin
daydi, limmabas a kasla tagainep.
Nagulimekda inggana iti dida nakagteng sadi Malapad-nabato. Dagiti naglasaten iti rabii iti karayan Pasig, iti maysa kadagiti datdatlag a rabii nga igayat ti Pilipinas, no daytay ti bulan. ibukbukna manipod iti nakatartarnaw a langit ti nakalidliday a sam-it; no daytay dagiti sipsipnget inda abbungan ti kinakaka-asi dagiti tattao ket ni ulimek, inna depdepen dagiti nakirmet nga aw-aweng ti timekda; no daytay awan sabali nga agsao no di ti Nakaparsuaán, dagita inda maawatan dagiti panpanunuten dagidi dua nga agtutubo.
Sadi Malapad-na-bato, ti karabinero makasugsugel, ket idi ma kitana nga awan nagyan iti bángka, ket awan mabalinna nga alaén, kas nabayag a kadawyan ken ruamda, iti daydiay a pagbantayan, binay-anna ida a limmasat.
Ti Guardia Sibil sadi Pasig kaskasdi met nga awan ti atap na, ket saanda a naán-ano.
Margrugi nga aglawagen idi dumtengda iti danaw, a sitatalna ken sitatalinaay a kas la dakkel unay a sarming. Ti bulan kumapkapuyen ti lawagna ket ti Daya lumablabbagan iti apagapaman. Iti adayo bassit, adda nasirpatda a maysa a banag a di pay la unay mailasin, iso a mangin-inot a umas-asideg.
—Ti barangay ti Guardia Sibil iso daydiay umay,—indayamudom ni Elías; agiddakayo ta abbungankayo kadagitoy baybay-on
Ti barangay adadda a lumawlawag iti panagkita ket mailasinen.
—Agturong iti nagbaetan ti igid ken datayo,—kinuna ni Elías a nagdanag.
Ket inin-inutna a binaliwan ti pagturungan ti bangkana, a kas la mapan sadi Binañgunan. Iti napalalo a kigtotna, nadlawna a ti barangay baliwanna met ti turungenna, ket maysa a timek
ti umaw-awag kenkuana.
