Adda nangngeg nga ado nga ikkis, ket iti nabiit, iti adayo bassiten, timmaód ti ulo daydi bumaro a kasla itay umanges, sa nagpukaw man met la a naigiddato.
—¡Sadiay, adda sadiay!—inyikkis ti ado a timek, ket simma gawisiw manen dagiti balbala.
Daydi barangay ken daydi maysa a bángka inda kinamat: maysa nga apagdillaw a ugis ti mangilasin iti nalasatanna, ket kanayon a maádaywanna daydi bangka ni Ibarra, nga agtatapaw a kasla nabaybay-an. Tunggal itaód daydi aglanglangoy ti ulona tapno umanges, paltugan dagiti guardia sibil ken dagiti adda iti barangay
Ti panagkamat mabayag; ti bangka ni Ibarra adayon, daydi aglanglangoy asidegen iti igid, limlima pulo ngagpa ti kaadayoDagiti aggagaód nabannugdan, ngem ni Elías nabannog metten, no manen, inna itaód ti ulona ket sabali ti inna pangiturungan a pangyaw-awanna kadagiti mangkamkamat kenkuaSaanen a ipatuldo daydi manglilipot a ugis ti turungen ti aglanglangoy. Kamaudiananna unay, nakitada iti asideg ti igid, a baet ti sangapulo ngagpa, pimmaltugda .. idi kuan, napalabas ti ado a kanito; awan nagsubli a nagparangen iti natalna ken waywayas a rabaw ti danaw.
Kalpasan ti gudua ti uras, maysa kadagiti aggagaód ti nagkuna nga adda nakıtana a dara iti danom, asideg iti igid, ngem dagiti kakaduana iwingiwingda dagiti ul-uloda a kasda kaya
a ibaga a mabalin a wen, mabalin met a saan.
