tagabo ken maidaddadanes! ¡Diak nabalin a inannugutan ti
kasta! Iso ti gapona nga insapulanka iti maysa a mangasawa
kenka a makabacl a mamagbalin kenka a maysa a nagasat a ina
dagiti annak nga agbilin ket saan nga agtungtungpal, annak
a manusa ket saan nga agrigrigat. . . Ammok a daydi gayyem
a kinaubingam, naimbag, inayatko met a kas di amana, ngem
innak ida ginura nanipod idi nakitak a isuda ti mangted iti
kinadaksanggasatmo, gapo ta ayatenka, ayatenka a kas Dios
ko, ayatenka a kas panagayat iti maysa nga anak; awan sabali
nga ayatko no di ti ayatmo; nakitaka a dimmakkel; ket awan
mapalabas a darikmat a di sika ti panpanunutek sika ti tagtagainpek; sika laeng ti kakaisuna a ragsagkko...
Ket ni Padre Dámaso nagsangit a kasla maysa nga ubing.
—Ala wen, ngarod, no ayatendak, didak pagbalinen sanggasat inggana iti inggana; iso, awan a biagen, ¡kayatko ti agmonja!
Daydi lakay insadagna ti mugingna iti imana.
—¡Agmonja. agmonja! —inulit-ulitna.—Saanmo nga ammo, anak ko unay, ti biag, ti palimed, nga aglemlemmeng iti likudan dagiti kabkabiti ti konbento, ¡sika saanmo nga ammo! Nagperribo a kaykayatka a kitkitaen a daksanggasat ditoy lubong ngem iti uneg ti konbento... Ditoy, dagiti as-asogmo adda makatimod; sadiay awanto ti sabali a makangngeg kenka no di laeng ti kabiti a didingna... ¡Nalibnuska, nalibnuska unay, ket saanka a nayanak nga agpaáy kenkuana, saanka a nayanak nga agbalin nga asawa ni Kristo! Patiennak, anakko unay, dagiti al-aldaw punasenda amin a di mangan-ano; itinto kalpasanna, inkanto malipatan, agayatkanto, ket ayatemto ni asawam.... ni Linares.
—¡Wenno ti konbento, wenno . . . ni patay! -inulit ni María Clara.
—¡Ti konbento, ti konbento, wenno ni patay! —inyasog ni Padre Dámaso. —María, lakayakon, saan a mabayagen ti kaáddak a mangsalsaluad kenka ken ti pay met talnam... Pumilika iti sabali, sumapulka iti sabali nga ayat, sabali a bumaro, uray siasinno, ngem saan la ket di a ti konbento.
—¡Ti konbento, wenno ni patay!
¡Dios ko. Dios ko! —inyikkis daydi padi, ket inabbu-
