balasang, —ket gumatangka iti isangpetmo kadagiti addim, ta
Paskua ira.
—¡Rebentador, rebentador ti kayatko! —inpukkaw daydi ubing a lalaki.
—¡Siak, maysa nga ulo ti abalbalayko a sinantataó! —in- yikkis met daydi ubing a babai, ket iniggamanna ti duana-ig ti kabsatna.
¿—Ket, sika, ¿ania ti kayatmo? —sinaludsod daydi lakay ken Basilio.
Toy timmakder a kasta unay rigatna ket immasideg iti lakay.
—Apo,— kinunana, —¿agpayso kadi a nasurok a nakabu- lanko a nagsakit?
—Nanipod idi nasarakandaka a sidadasay ken sipupunno iti sugat. dua ti limmabasen a bulan; ipagarupmi idi a matay- ka..
—Ni Apo Mugna ti bumales kadakayo, apo; dakami, na- panglawkam unay! —insungbat ni Basilio; —ngem tangay ita, Paskua, kayatko ti mapan sadi ilimi, ta innak kitaen ni ina ken tay adih. Nalabit, sapsapulendak.
—Ngem, barok, dika pay naimbag, ket ti ilim adayo; sa- anka a makagteng sadiay inggana iti tengnga ti rabii.
—¡Uray kadi, apo. Ni ina ken ni adingko nalabit a silaladi- ngitda unay ita; kanayon a tawen nga agtitipunkami no dumanon daytoy nga aldaw. . . itay napan a tawen, nagsidakam iti ikan dakam a tallo... ni ina nagsangsangit ngata a nangsapsapol kaniak.
—Saanka a dumanon a sibibiag iti ili, barok! —Inton rabii. agsidatayto iti manok ken pindáng nga alingo. Dagiti annak- ko indakanto sapulen inton sumangpetda nga aggapo iti ta- lon..
—¡Aduda dagiti annakyo, ket ni ina, dudduduakami, a bu ngana; nalabit, pagarupenna a natayakon! ¡Inton rabii, kayat- ko nga ikkan iti maysa a ragsak, maysa nga aginaldo...may- sa nga anak!
Daydi lakay nariknana a naglua dagiti matmatana, inpá-
tayna ti imana iti ulo daydi ubing, ket kinunana a si-isnek:
